進步教師同盟網誌│家教樂:副語言

法政匯思

-法政匯C

係唔係睇一班法律界嘅SOLIT同BAR現晒青筋講捍衛乜乜、捍衛物物有時睇到怕?其實佢哋都要搵食要行街要飲嘢要睇戲要睇電視要睇報紙要做人仔女要做人男友女友要做人老公老婆要做人老豆老母。想知佢哋唔現青筋嘅時候搞乜同諗乜?法政匯C話你知!

法政匯思網誌│在法律學院遇上的第六、七種人

2016-3-24 13:33
字體: A A A

近日有法律學院同窗撰寫了一篇名為「在法律學院遇上的五種人」的文章,引起身邊一群莊友、朋友熱烈討論。簡單歸納,文中羅列的五種人包括:(一)熱愛鑽研法律,對任何議題都能夠力陳己見的「法官」、(二)說話滔滔不絕、描述能力超凡的「吹水友」、(三)你唔知佢啲時間點嚟,總之每次上課前佢都可以完成readings的「圖書館館長」、(四)每日重複上堂瞓覺、落堂後悔的永劫輪迴,但始終改唔到的「渴睡的人」,還有(五)出身、樣貌、成績,總之你數到嘅嘢都是上品的「人生勝利組」。筆者當然非常同意這位同窗如此入微的觀察,但可能因為物以類聚,筆者身邊真的較少第一、二、三、五種成功人士,反而以下兩類就比較多。

第六種人,唔似「law友」的人。這種人會出現在所有場合:學生會活動、hall活動、學會活動、校園入面的攤檔、大學入面間starbucks(做緊兼職),甚至爭取改革校委會的沙宣道會場,或者爭取發牌俾港視的集會現場。但有個地方永遠都唔會見到佢:課室。呢種人有個特技:用一個鐘整完powerpoint就可以present,用兩日就溫好(好似係)一個semester嘅書入場考試。

要解釋第六種人為何存在,簡單一句 「校園容唔上一張平靜的書桌」就可以。當李國章入主港大,召見”top student”,法律學院的「尖子」們都在被召見之列。或者第六種人自己跟「尖子」沾不上邊,但他們都以成為「風聲雨聲讀書聲,聲聲入耳;家事國事天下事,事事關心」的「公共知識分子」為目標,都大多對李國章的行為感到不齒 。前陣子大台電視劇入面一句「我做律師係為咗幫人」當然是太勵志,但法律的確是頗能令人接觸社會脈膊的學科。到底市民自發清理「嘉湖山丘」的泥是否盗竊是法律問題,有冇人要為古洞村屋瞬間被人夷為平地負責也是法律問題。在法律學院中讀書,處於「荒誕事如棋日日新」的社會,如果只能在象牙塔中做學問,真的令人難受。

第七種人,是必然跟第六種人共存。作為第六種人的同窗,應該會非常擔心。你會幫佢上堂拎多份筆記、present或者考試前提多佢幾次日期時間試場地點。如果今年未聽到佢訴苦要defer,應該已經算好消息。你完全不打算問佢gpa是否過三,因為你深諳這是不可能任務。

各位看倌心中都可能有個疑問,坊間傳言不是說讀法律系競爭很大,要爭PCLL學位,有一半法學士畢業生會慘被淘汰嗎?傳言是真的,但值得慶幸的是,法律學院裡還未出現同窗相殘的局面。寫到這裡,不禁想起學子自殺潮出現後,老師為學生進行心理輔導,問佢地對同學離世有何感受,學生直率回答:「少咗一個競爭對手。」稚子無辜,如果香港教育現狀繼續,大概十年後第七種人就絕種啦。

在此作個利申,筆者是半個「第六種人」,我身邊的,當然就是這七種人了。謹此向第七種人道謝。

(撰文:Wilbur the [email protected]法政匯思)(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年3月24日 下午1:33

發表評論

讀取中…
林超英網誌│三跑:給地政總署的信,堅持反對填海