進步教師同盟網誌│給被吻過的人

Leo Choi(Movewheel)

-Leo吹

一個大專設計仔,旨在吹吹球壇樂壇,分享對香港嘅所思所想,然後引你睇。 FB Fanpage: https://www.facebook.com/LeoBlowHK

Leo Choi(Movewheel)網誌│香港隊:現實與未來

2016-3-30 13:41
字體: A A A

香港隊結束咗世界盃亞洲區外圍賽第二圈賽事,而結果亦塵埃落定。

香港隊正式緣盡2018年世界盃,俄羅斯之路幻滅,另一條叫阿聯酋嘅路重生。因為穩奪小組第三,港隊可以晉身2019年亞洲盃外圍賽第三圈。無錯呀係「亞洲盃第三圈」,因為之前個比賽係「世界盃亞洲盃聯合外圍賽第二圈」。

晉身世界盃外圍賽第三圈嘅12隊,就會直接進入2019年亞洲盃決賽週。餘下12席亞洲盃決賽週席位就由24隊球隊爭奪,喺世界盃外圍賽打得咁好,港隊當然有機會獲得較佳種子位置,抽籤果陣可以避開強敵。

但唔好忘記,當初我哋因為世界排名,跌落最差種子,因為命運我哋先會遇上中國隊,亦因為命運,一張海報先會觸發我哋愛港心。希望閱讀呢篇文章嘅讀者,亦都會以「支持香港隊」為主,並非被「踩中國」思想掩蓋所有。

中港矛盾固然存在,但對手已經離我哋而去,一球都入唔到。我哋就更要做好自己,了解、支持、守護自己嘅家園同文化,咁先係真本土。

香港足球仲有好多問題,好多人連聯賽叫「港超聯」都未知,宣傳仲需要多加努力。康文署掛住河蟹「國立」,忽視場地質素,造就一個個「大農場」同「水上樂園」,唯有足總多加合作。

依賴入籍兵問題嚴重,即使青訓系統大幅發展,但學員爭取港隊位置,爭取聯賽穩定正選,仍然相距甚遠,需要球會多加提拔。說好的將軍澳訓練中心,去咗邊?一切問題都需要足總同各界互相合作,更加需要你入場支持佢哋,令「鳳凰」飛得更高。

最後喺度想多謝咁多位留意Leo吹嘅朋友,亦感謝852郵報提供一個小位置俾小弟學習抒發已見。未來Movewheel將會繼續游走更多平台,有興趣嘅朋友可以留意小弟fanpage,See You Soon!

(圖片來源:香港超級聯賽 Hong Kong Premier League fb)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年3月30日 下午1:41

發表評論

讀取中…
梁慕嫻網誌│明辨方向,輕裝上路:學民思潮停止運作感言