【香港金像奬】《十年》奪金像奬最高殊榮 騰訊、新浪得奬名單獨欠最佳電影

葉一知

-一知筆

中文、英文、通識教師,閒時寫作

葉一知網誌│爾冬陞,我撐你!

2016-4-4 00:27
字體: A A A

爾冬陞係我一個非常欣賞嘅導演,今日之後,我更加欣賞佢。冇嘅,在一個群魔亂舞嘅世道,當人人自我審查,連「今晚頒獎禮稿可否有十年」(爾冬陞爆嘅)都要問,而佢在一個咁重要嘅頒獎禮到講咗頭先一番話,就已值得真香港人撐佢。

香港電影近年都幾畀人睇唔起,金像獎也畀人認為兒嬉。但如果自閹,就更加唔會有好嘅創作,唔係,係連創作都冇埋。真係有啲估唔到,今晚嘅金像獎最佳電影一幕,竟然有奧斯卡的意義:以獎明志!

恭喜十年!誠言,以電影而言,確實不是上品,可是,如果一個社會是正常的,好像從前的香港,上品的電影易有,甚至年年有幾部,但一套奇蹟般的電影,在黑暗中發出微弱的光芒,永遠是難能可貴。

如果,香港每個界別都好像金像獎咁企硬,咁有GUTS,香港唔會死。靠大陸投資者,遲早嘅結果就係亞視,突然變成一個藍畫面,便甚麼都沒有了。何況大陸衰落了,今日回歸本土,企硬撐香港,為時未晚。正如ATV最後派羅霖作的忠告:都應該要獨立。電影,也應如此,沒有創作自由的電影,只如植物人!

P.S. 曾俊華今日網誌撐本土電影,又畀佢押中注!

(圖片來源:無綫直播截圖、題目由本報所擬)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年4月4日 上午12:27

發表評論

讀取中…
【香港金像獎】《十年》獲「最佳電影」 《踏血尋梅》成專業奬項大贏家│范中流