讀者投稿|黃一恒:電影就是一種態度

Aberdeen

-V城記

活在維多利亞城的特區公民

Aberdeen網誌│點解清明冇山拜?

2016-4-4 10:24
字體: A A A

呢兩日新聞報導話有市民祖先被非法骨灰場結業逼遷,搞到要將靈位放在辦公室,冇得拜山。

問題係,點解咁多人清明有山冇得拜?

原因係我哋嘅盲搶地政府冇興趣搶陰宅地,而城規會又冇規劃。

香港一年有52000宗火葬,人口老化,對骨灰位需求只會不斷增加。

早在2002/03年,政府已知骨灰位短缺,計劃在屯門建超級殯葬城,當然後來唔成事。

過了幾年,情况嚴重,便說要在18區建骨灰龕,但到現在,只有三兩個成事,全都是在現有墳場擴建。所以由依家至2018年,只有855個公營骨灰位供應,加埋華人永遠墳場的,都係三萬個左右,供應非常短缺。

公營冇位,咁私營呢?合法龕場過去多年都是30家完全冇增加,自2011年有70宗合法龕場興建申請,但城規會在民建聯工聯會街坊政客反對下,只批准了兩個項目,但項目又因補地價問題,未能動工。

最後就肥了非法龕場,數年由50個倍升至125個,骨位價錢也三級跳。

其實現時已有十萬包骨灰放在長生店,今年立法會通過私營骨灰龕條例後,被逼走的骨灰位更是數以萬計,冇山云拜的人將會愈來愈多。

說到尾,都喺政府冇心做嘢,自己唔建龕場,又唔畀人建。

當然,港共是無神論者,拜山對他們全無意義,市民有冇骨灰位佢哋根本唔在乎。

(原圖為蘋果日報圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年4月4日 上午10:24

發表評論

讀取中…
葉一知網誌│年輕編劇,你為何要問爾冬陞?