左報批評《十年》獲獎兼爾冬陞 「玩弄政治,自甘墮落」

葉一知

-一知筆

中文、英文、通識教師,閒時寫作

葉一知網誌│不要用你的政治取向綁架人哋嘅專業

2016-4-4 14:02
字體: A A A

林建岳:「大家看到,《十年》今次沒有得到任何獎項提名,亦非最賣座,證明不具備最佳電影的質素。《十年》成為最佳電影對電影人來說不公平,是政治綁架了專業,將電影評獎活動政治化了。」

《十年》唔係”一”套戲,係”五”套戲,五組人員去為一個主題來創作,除咗講求整部電影團隊合作的最佳電影外,點樣得到其他獎項提名呢?唔通將《十年》分五個故事來提名嗎?

“亦非最賣座”呢個仲好笑,先唔好講最佳電影一向唔一定賣座,只係講一樣嘢:《十年》得幾間咁少院線肯上,明明收得都院線不多,搞到最後大家要喺街睇,咁樣都有六百萬票房,你話唔賣座?幾多人想睇都買唔到飛?

咁點解咁少戲院上?呢啲咪就係電影活動政治化囉!點解九七後冇乜政治諷刺電影(表姐果啲呢),呢啲咪就係電影活動政治化囉。點解一個演員表達吓個人政治意見,就兩年冇工開?呢啲咪就係政治綁架了專業囉。點解演吓”選老頂”,杜文澤要擔心以後都冇戲拍呀?呢啲咪就係政治綁架了專業囉!

你唔好吓吓用自己的政治取向(如果真係有)嚟睇,將人哋的專業評獎政治化,用你的政治取向綁架了人哋嘅專業先得㗎。

(題目為本報自擬)(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年4月4日 下午2:02

發表評論

讀取中…
林超英網誌│三跑引起撞船社會風險旳計算錯誤,是科學事實,不是「意見」