阿健網誌│低胸金髮嘅神奇女俠 上車就同我講「錫你冧」

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│強國客人的機上創意

2014-4-6 12:30
字體: A A A

咱們偉大的祖國地大物博,人傑地靈,創造力驚人更是不在話下。除了假奶粉、地溝油呢啲舉世知名的創作外,喺飛機上都可以睇到佢哋嘅創意。

飲食篇:

飛機上的食材有限,但人的創意卻是無限。從咱們祖國的人民上,我學會了很多比分子料理更創新的食法。

1. 檸檬奶茶
這是強國人每次坐飛機必飲的飲品。據他們說:「在紅茶裏加顆奶球跟糖,再加片兒檸檬,這就有風味兒了!」奶茶加入檸檬片後,會出現如嘔吐物般的凝固體,想更有風味的話,更可加入牛油!

2. 檸檬咖啡
一開始以為檸檬加齋啡係強國人所創,但睇過《852郵報》明哥的〈愛恨香港100個理由之8──茶記係寶唔係草〉後,先知原來係本港茶記名物。當然,重口味的強國人係會另外加入奶精或牛油,「香港做到的,咱們都做到,而且做得更好」。

3. 生吞牛油
日本深夜食堂的牛油飯好正嗎? 錯了。強國人為你演繹牛油最極緻的食法──直接食。睇住佢哋用攪拌棒一小口一小口,珍而重之地把牛油放入口,我會懷疑自己係咪serve錯咗魚子醬。正所謂眾生皆平等,食物也無分貴賤,我認為,強國人的行為,只不過是對牛油致以最崇高的敬意,香港人就不大驚小怪了!

行為篇:

1. 坐墊變口水肩
雖然廁所裏會提供即棄的座墊紙,但相信大家都會選擇半蹲,或者鋪十層紙巾就算,好過花時間研究點用座墊紙。呢一刻,強國人眼看這些雞肋座墊紙的使用率奇低,又係發揮小宇宙的時候啦!只要將座墊紙從頭上套上,就會成為大小剛好的口水肩,咁就唔怕食雞腳時整污糟件衫啦!(冇呃你,真人真事!)

2. (叮噹腔)登登登登~~隨意門
對強國人來說,飛機上任何門都可以係通往廁所的隨意門。他們想去廁所時,會嘗試打開機艙門、只夠哈比人進入的衣櫃門、儲物櫃門等…… 溫馨提示,當你終於找到正確的廁所門之後,記著如廁時要鎖門,小妹還未嫁就已經不小心看過很多個男人的屁股了。(掩面逃跑)

希望大家睇完這篇文後,以後搭飛機會作更多新嘗試,發揮咱們祖國的強大創意,那些西方帝國主義的什麼Steve Jobs,在強國人面對也要拜服!

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年4月6日 下午12:30

發表評論

讀取中…
陳玨明網誌│愛恨香港100個理由15──墾丁有春浪,香港有春夢