鄭耀棠:「嘩然」泛民向張德江反梁振英連任 要待梁宣布競逐才表態挺梁與否

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

好心做壞事 下次醒目啲│銀水│的士大哥

2016-5-21 12:00
字體: A A A

唔知大家仲記唔記得,上次同大家講到,我車咗個客去錯目的地,但我有個行家就仲慘,畀個客鬧足全程(其實係半程先啱)。今日就同大家分享吓呢位行家嘅慘痛經歷啦。

佢叫阿成,又係同我一樣,晨早流流6點幾已經接到柯打。個客係女人,喺九龍東一上車就話要去「爛賭」。咩係「爛賭」?咪就係要去港澳碼頭過大海賭錢囉!

因為時間好早,所以交通都好暢順,過埋東隧,東廊直飛「爛賭」,已經差唔多落得車。點知呢個時候,個女人突然大叫:

「死啦!原來我冇帶身分證!」

「冇身分證過唔到澳門喎,小姐!」

「你車番我返轉頭啦。」

阿成就無多口問句,諗住出於一番好心,唔行東隧改行紅隧,幫個女仔慳返15蚊隧道費,點知……

「喂!你做乜行紅隧呀!」

「紅隧平啲呀,路程差唔多呀。」

「我過澳門賭錢呀,使鬼你同我慳嗰15蚊咩,行咩第二條路啫,窒頭窒勢!」(下刪幾百字……)

阿成就覺得自己好無辜,我就話佢係太多事,自作聰明,好心做壞事,問多句行返東隧咪冇事囉。總之各位的士大哥,下次真係唔好「懶醒」好啲!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年5月21日 下午12:00

發表評論

讀取中…
丘偉華網誌│香港現代版「指鹿為馬」,終於會有什麼結局?