梁振英:一帶一路「未來35年」是港人另一個引擎

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

貓客特別的找數技巧│銀水│的士大哥

2016-5-28 12:00
字體: A A A

喜愛夜蒲相信唔少人都鍾意,不過就真係要好小心,好似之前嗰幾個「一帶一路槍炮團烈士」固之然大劑啦,不過好似我早兩日撞到嘅靚仔咁,都一樣弊傢伙呀……

話說星期日晨早流流五六點,收到個柯打,尖沙嘴入上水。嘩!今次仲唔肥仔!

去到現場,見到「一個佬」攬住「另一個佬」,如果唔係hehe,就肯定係有個「貓」咗啦。雖然我個腦即時飄咗「大鑊」兩個字,不過無計啦,唔通掉頭走咩。

打開車門,其中一個扶個靚仔入車,講咗佢上水地址我知,仲叮囑我唔好開咁快,睇住佢,怕佢獲利回吐喎。我心諗,「咁多要求,你唔跟埋入上水!」不過OK,有柯打就做,叫我開慢啲,我開得慢過開曼群島又點話!

不過老實講,呢位「貓」晒既靚仔,又唔係好煩我嘅,一上車就大瞓特瞓,係有時發開口夢,同人猜枚鬥酒咁囉。「唉……人出酒你出命,下次就唔係車你去上水喇!」

喺我手慢得嚟有速度嘅駕駛技術下,由尖沙嘴入上水都唔係用咗好耐時間。到埗後,就梗係拍醒靚仔收錢啦。點知佢拍極都唔醒,成個人半夢半醒咁,好明顯斷晒片。

「收錢呀!」「嘩!靚仔,你玩我咩?」

大家估唔估到佢畀咩我?居然畀個電話殼我當找數!

「拿!五嚿水攞去,唔使找嘞!」跟手隊埋部iPhone畀我。

大佬呀,講笑搵第二樣啦。幾經辛苦,靚仔終於喺條唔知咩名牌老牛個後袋度,摷到二百蚊出嚟,但又繼續隊部iPhone畀我話當貼士。我唔同佢癲,塞返部電話落佢條褲度,開埋車門畀佢爬吓行吓咁入返去大廈大堂。

水哥喺度忠告市民:「唔飲得就真係唔好飲咁多!」你估香港地真係個個都好似我咁,係正義嘅化身,完美嘅代表咩,大大部iPhone隊埋嚟都唔要!遇著個立心不良嘅,真係牛仔褲都剝埋你呀!

(圖片來源:電影服務統籌科)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年5月28日 下午12:00

發表評論

讀取中…
【特首跑馬仔】梁特TVB專訪片段曝光:無論邊個執政,我都希望佢能夠繼續朝住呢個方向做