傳奇拳王阿里逝世

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

載「情侶」去曳曳│銀水│的士大哥

2016-6-4 12:00
字體: A A A

其實做的士司機都有唔少趣事。好似前排,記得有晚我喺灣仔駱克道載咗一對外籍男女。個男人好似好趕時間咁,嗱嗱聲開車門同個女人上車,話要去尖沙咀某某酒店。哦……唔怪得咁趕啦!

但係睇真啲,你就會知道佢哋其實係「非常情侶」關係。即係咩關係?大家心照啦!不過對於我地呢啲職業司機嚟講,都係司空見慣,所以我都冇特別理佢哋,照平時咁開車囉。

點知!連紅隧都未過,後座就發出聲音,倒後鏡一睇,見佢哋已經打得火熱,又攬又錫。嘩!完全當我冇到。心諗佢哋唔會喺我架車度「咩」㗎?係呢個時候,竟然聽到佢哋係度「講價」。「Five hundred?」「No. No. No. One Thousand!」佢地因為傾價錢而變得「安份少少」,我個心當堂定啲。

說時遲,那時快。佢哋拗吓拗吓已經駛到目的地。車一停,即刻雙翼齊飛,兩個跳晒落車,互相拉扯。個酒店bellboy行過來話:「你可以走啦。」大佬,我錢都未收呀點走呀!你估我好想停係到咩……

「Sir, have you paid yet?」bellboy問。

個男人就走過來拋低一百蚊,跟住轉頭突然大叫:「Shit!」

我探頭出去睇下,原來個女人已經消失風雨中。今次佢真係賠了夫人又折兵,洗咗錢但又無得happy,哈哈!!

(圖片來源:蘋果日報、網上圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年6月4日 下午12:00

發表評論

讀取中…
在身殉暴政先烈跟前,你我都不比誰高尚│丘偉華網誌