【Lancôme召關公】由「在商言商」變「在商『瀨共』」│范中流

法政匯思

-法政匯C

係唔係睇一班法律界嘅SOLIT同BAR現晒青筋講捍衛乜乜、捍衛物物有時睇到怕?其實佢哋都要搵食要行街要飲嘢要睇戲要睇電視要睇報紙要做人仔女要做人男友女友要做人老公老婆要做人老豆老母。想知佢哋唔現青筋嘅時候搞乜同諗乜?法政匯C話你知!

中國霸權,不可抗力│法政匯思網誌

2016-6-9 14:14
字體: A A A

「乜 Lancôme 咁樣單方面取消合約都得㗎咩?HOCC 可唔可以告佢毀約呀?」

可以,但正所謂「要 law 有 law」,假設我係 Lancôme 公司律師,我求其搵啲嘢都講得通啦!例如,合同法嚟講,可以話用「不可抗力」(force majeure) 抗辯。

廢青,我都知你唔識咩叫不可抗力㗎喇。即係咁,不可抗力係一項免責條款,列明當一些人們不能預見、不可避免、不能克服、不可控制嘅情況如天災或戰爭發生,導致一方不能履行合約時,違約方可部分或全部免除違約責任,喺香港商業合同中好常見。(依法愛國小知識:中華人民共和國合同法第117條都有寫明「因不可抗力不能履行合同的,根據不可抗力的影響,部分或者全部免除責任」㗎,噢!真文明!)

廢青,你聽住,概括啲講,根據香港法律,構成不可抗力必須具備以下要件:(1)不可預見及(2)不可控制。

(1)不可預見:不可抗力事件必須是當事人在訂立合同時不可預見嘅事件。雖然 HOCC 撐傘就係人都知,但正如成功提升我國國際地位嘅外長王毅話齋,最了解中國狀況嘅,係中國人自己,咁我公司作為一個西方品牌,同HOCC簽約果時又點會估到《環球時報》以及同胞網民原來係咁關心我哋、會以點名批評同HOCC合作嘅方式嚟鞭策我哋呢?原來祖國嘅關愛係咁無遠弗屆、無微不至,我公司今次受寵若驚。

(2)不可控制:不可抗力事件亦必須是當事人無法控制嘅。廢青!你知道我國現在已經成為人均8000美元嘅世界第二大經濟體嗎?我國在國際上影響力之大,可謂翻手為雲、覆手為雨,威力又點會差過海嘯同戰爭?當奧巴馬都未必可以控制、克服、左右國家做嘅任何事,幾時輪我公司?

唔服不可抗力呢個抗辯?冇問題,有萬能 key 「傷害國家人民感情」、「煽動顛覆國家政權」同「危害國家安全」!點適用喺呢個情況?廢青,你還是太年輕了,返祖國洗一次頭,就自然會明白。

*註:上文對有關法律原則的詮釋經「愛國化」處理。

(撰文:Davida L.)(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年6月9日 下午2:14

發表評論

讀取中…
【Lancôme召關公】「何韻詩」的新名是「何允思」──中共「何」曾「允」許港人「思」自主?│李文傑