即時點評│王光亞未有跟公民黨同持「公民提名」書法合照 回贈《基本法》小冊子或顯政治含意

阿健網誌│直通車幫我拉客

2014-4-13 12:40
字體: A A A

今個星期台灣結束咗太陽花運動,學生正式撤離立法院,整個運動尚算是一個和平嘅運動。事件令我想起廿五年前一場民主運動,那時候我剛踏足社會工作,每日新聞報導都係睇到天安門烽煙四起,最後要用到鮮血嚟結束運動。宜家回想起來,當日如果各方忍讓,和平結束,北京就唔使背負廿五年嘅包袱,局勢會點呢,冇人會知道。

至於今個禮拜嘅大新聞,要數到港滬股互聯互通,即以前嘅港股直通車。記得嗰日上咗一個客,要去機場。沿途聽到佢喺電話度講:「吓!升咗四成,咩原因呀?咁梗係唔放啦……再同我入埋隻咩咩咩。」我梗豎起隻耳聽吓佢講乜啦,見佢收線後,我伺機問佢:「先生,賺咗好多呀?有無好嘢介紹呀?」

客人:哈哈!是旦買啦,直通車買乜升乜呀。

我:唔係嘛,咁都得?

客人:有乜唔得呀,早幾年講直通車咪升到呯呯聲……宜家嘅大陸同以前真係好唔同,唔好話影響香港呀,直頭影響全世界。你睇,香港大部分豪宅都畀大陸人買晒咁滯啦。所以今次又直通車,一定對香港有利冇弊呀!

我同佢喺車度講吓經濟,講吓股票,好快就去到機場,佢仲比咗幾十蚊貼士我添。

諗番起幾年前股市升到三萬點,今次有無得升我唔知啦,但係經濟好對於我哋揸的士嘅嚟講一定有着數,啲人賺到錢自然捨得使。真架,喺街真係多咗好多揮手黨架。記得有個老行家講過,以前車得最多嘅係日本同韓國旅客,因當時佢哋環境好好;宜家我車得最多嘅係自由行,已經反映出大陸經濟對香港影響好大。總之,香港經濟好,大家生活好。

(網絡圖片)

請支持我們持續發展,透過PayPal或其他方法贊助我們!
金額:
分類:|發表於2014年4月13日 下午12:40

發表評論

讀取中…
Angelina網誌│容許小朋友不扣安全帶的家長,是低B的