【迷你倉大火】《明報》:張耀升等候救援用光氧氣嚴重燒傷 許志傑傷勢特別嚴重「火場情況奇怪」

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

喂,找多咗錢呀……│銀水│的士大哥

2016-6-25 12:30
字體: A A A

香港打工仔返工時間長,好多時都會唔夠瞓,返工時間恰住眼瞓嚟做嘢,的士司機又何嘗唔係呢?有一次我就係因為咁就……

嗰日朝早,我又好似平時咁,一早起身去開工。但因為最近啲新聞搞到個人好心悒,瞓得唔好,出門口時都覺得有啲唔妥㗎啦,不過又見好似冇乜事咁,咪照開工囉。搵食要緊嘛!

開工冇耐,就有個客喺紅磡上車,話要去機場。有搭過的士嘅人都知,一般都係200蚊左右。嗰一程車錢都係差唔多,大約212蚊。

正常嚟講,的士司機都係去到目的地,個客準備落車,拎錢出嚟畀時,先會開始搵散紙嚟找錢。不過,都講明呢個係「正常情況」,而我當日唔夠瞓「唔多妥」,咁梗係做咗啲唔多正常嘅事啦……當日同個客講程車212蚊,唔知點解心入面打算收個齊頭200蚊。不過,個客都未拎錢出嚟,我又唔知點解「有預感」佢一定會係畀500蚊,所以我都已經拎住3張100蚊紙喺手,準備找錢。

之但係,個客畀張500蚊我嗰陣,就咁樣同我講:

「收齊頭啦!」

收齊頭?本來212蚊,即係收220啦!聽到佢咁講之後,我就覺得要找多80蚊,結果就搵多幾張紙幣,湊夠80蚊,夾埋落之前準備嗰3張100張度,一次過畀晒佢。

個客落咗車,我先定一定神諗起:咦?咁我咪前後找咗380蚊畀佢,就算收平佢十幾蚊齊頭當200蚊,都唔應該找咁多喎!真係撞鬼啦……激死!

其實呢,除咗的士司機會找錯錢之外,間唔中都會有客畀錯錢嘅……尤其是外國人。我就試過車一個外國遊客嗰陣,可能佢仲未認得到香港啲紙幣,本身車錢係200幾蚊,但佢就喺銀包拎咗3張500蚊出嚟畀錢,一定係當咗500蚊紙係100蚊啦!我都有好好心咁同佢講返,冇呃到佢!

所以大家如果發現我哋找多咗錢,記得畀返我哋呀!搵食艱難啊……唔該!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年6月25日 下午12:30

發表評論

讀取中…
【迷你倉大火】消防預計今日可爆破餘下迷你倉 陳茂波否認救災判斷涉政治考慮