ISIS襲孟加拉餐廳 警結束攻堅6槍手全被擊斃

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

有啲「味」真係好難頂……│銀水│的士大哥

2016-7-2 12:30
字體: A A A

最近天氣好熱,真係熱Q死人,之前睇新聞仲話連續幾日有成35度添。大家梗係以為我哋一路揸車一路嘆冷氣,一定好舒服,其實都唔係㗎。

我哋除咗揸車時要面對住陽光,司機位附近仲有一大堆運作緊又發熱嘅零件之餘,有時仲有啲好難頂嘅氣味,令的士入面感覺熱上加熱。就好似近排天氣熱,我就成日車到啲好大汗嘅乘客,好難避免會有陣味……大家都明㗎啦!加上車入面開住冷氣,又冇開窗,陣味點都散唔走,就覺得更加難受。所以我實喺車入面準備一大盒紙巾,畀啲客清清潔、抹抹汗。大家都好嘛。

不過,講到我最唔like嘅,一定係有食煙習慣嘅乘客。你食煙唔緊要,點解連上車前都要把握時間,食埋最後一啖煙呢?,上到車就搞到車入面嘅煙味更加「濃郁」……最重要係我本身唔食煙嘛!臭到不得了……

所以每逢車到身上有濃烈煙味嘅乘客,我都會將架車盡量揸快少少。去到目的地,等佢哋落車之後,就打開晒啲窗,吹走架車啲煙味。我連空氣清新劑都準備定,以防萬一!

呢種煙味,對我嚟講就比大熱天時更難接受,唔知大家有冇同感呢?政府都有話啦,「吸煙危害健康」,都係食少啲煙啦。朋友!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年7月2日 下午12:30

發表評論

讀取中…
【七一遊行】中聯辦集會失敗本土派臉書致歉 梁頌恆:懷疑有非港人在旁觀察