【反了反了!】大陸媒體再生「意外」 騰訊網誤指習近平「發飈」

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

為仔女升學讀書,香港家長可以去得幾盡……│銀水│的士大哥

2016-7-9 12:30
字體: A A A

而家喺香港做家長,為咗仔女升學呢個問題都真係幾頭痕!最近係中一新生註冊嘅日子,見到啲學生同家長咁奔波,令我諗起早幾日公布派位結果嗰陣,曾經車過一對母子去叩門。

早幾日中一派位,知道會有好多家長分秒必爭咁帶仔女去叩門,所以我哋會一早喺啲學校門口等客。當日我就喺旺角接咗對母子,見到佢哋個樣好似趕頭趕命咁,又拎住一疊文件,就知道佢哋一定係去搵學校。

「唔該去九龍塘XXXXXXXXX中學呀!麻煩開快少少呀,唔該。」
「咦,搵學校呀?仔仔派成點呀?」
「唉,佢成績都麻麻哋,所以咪派得唔多好囉,而家去叩門試吓。睇吓得唔得啦。」

見個小朋友喺旺角讀書,但去九龍塘叩門,我都幾好奇佢哋住喺邊。

「哦!我哋住東涌㗎!」
「咦?咁你哋又嚟到九龍塘咁遠叩門嘅?唔讀返附近嘅學校?」
「唉,我都係問人借地址咋……如果個仔真係叩門成功,最多咪花多少少錢搬出嚟囉。唔知點解都係覺得市區啲學校質素好啲,雖然事實未必係咁,但總之就係心理上會覺得好啲啦。所以如果我負擔到,都想個小朋友讀返市區學校嘅。」

去到目的地之後,佢哋急急腳落車,眼見嗰間學校外面,已經排咗好長嘅人龍,個個都拎住一大疊證書、文件,一睇就知有備而嚟……

雖然幫仔女安排讀一間好嘅學校好重要,但我硬係覺得,小朋友成長始終係佢哋讀得開心,有個快樂童年先緊要。如果佢哋成長得唔開心,就算畀你入到名校又有咩意思呢?

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年7月9日 下午12:30

發表評論

讀取中…
富力勢將「進擊」香港足運 怎突顯梁特一而再遭大陸借頭一用?│丘偉華網誌