【慕尼黑槍擊案】 德國槍擊案至少10死21傷 獨行槍手自殺身亡

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

Notebook都搵得返,你都算好彩啦!│銀水│的士大哥

2016-7-23 12:00
字體: A A A

唔通香港人真係咁有錢?呢幾個月我已經喺車上執過好多部電話,部部都幾千蚊喎,咁唔小心?不過我就唔貪心嘅,每次見到有客漏低咗電話,都會執起保管住先!可能因為現代人都「機不離手」,好多時佢哋好快就會發現漏低咗電話,會打返嚟問我係咪喺架車度,然後大家再約時間「交收」。有時佢哋都會畀返車錢或者薄酬,不過都有啲客連多謝都冇句,調頭就走。有時遇到呢啲客都有啲嬲。

前兩日又發生咗一件類似嘅事。嗰日中午,我喺灣仔接咗個客。一上車,佢就好似嚇一跳咁……

「嘩,咩嚟㗎?做乜有個咁硬嘅坐墊喺度!?」

之後佢仲拎起個「坐墊」畀我睇。哦,睇真啲,原來係部notebook,睇嚟都係頭先喺沙田上車個客漏低啦……

之不過,佢又唔係漏低電話,我點等佢聯絡我呢?好彩,嗰個客係call車嘅,佢應該會有方法搵返我。話口未完,車完啱啱個客去到目的地,就收到電話,原來係之前個客打嚟,問我有冇見過佢部電腦。佢仲話一定要當日傍晚喺沙田畀返佢。嘩,又要我專登入沙田,都好遠啫……

不過應承咗佢都冇計啦,佢又講到好趕住要返部機咁。幾個鐘頭後,我入到沙田畀返部機佢,雖然佢態度都好好,又講晒多謝,仲畀咗幾百蚊報酬我。但其實如果真係要計,一來一回扣埋油錢時間,話唔定我可能要倒貼添……

有時搭車唔見咗嘢,都未必搵得返。如果遇到好似我呢啲人咁,會專登拎返件失物畀個客,咁你就真係好好彩啦!不過點都好啦,與其要驚失物唔知搵唔搵得返,不如大家小心保管財物吧啦。

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年7月23日 下午12:00

發表評論

讀取中…
唔畀梁天琦參選,真係可以咁簡單?│丘偉華網誌