伊斯蘭國惡行全球 米高堅都要被迫改名│杜連魁

【你唔係員工喎】梁家榮今親臨直播室握手問好 曾志豪:驚訝、正面,但去唔返以前

2016-7-22 21:45
字體: A A A

港台節目《頭條新聞》主持人曾志豪日前出席港台員工大會時,被廣播處長梁家榮質疑其「CAT II」(合約制員工)身份「唔係員工」,惹來台下員工譁然。事後曾志豪於《香港01》撰寫2,000字長文,慨嘆自己服務港台16年卻非員工。然而,事件又有戲劇性發展。據悉,梁今晨於曾志豪《瘋show快活人》的節目空檔期間,主動到直播室與曾握手,又稱自己明白員工於大會提問是為港台好,但並未有就署理助理廣播處長(電視及機構業務)陳敏娟不獲「升正」一事作任何回應。

曾志豪接受《852郵報》查詢時表示確有其事,「今朝十點準備做節目,中間有個news break,佢同我地幾個主持人打招呼同握手,發放嘅信息係話,明白CAT II都係員工」。曾當時再向梁提出,「希望署長你明白所有員工提嘅問題都係善意」,梁家榮亦稱明白,「知道員工提問都係為咗機構好」,整個過程約五分鐘。

對於梁家榮忽然示好,曾在Facebook就「非CAT II」言論表示「火都嚟埋」的曾志豪亦直言驚訝,「我冇諗過會咁樣,從佢肯回應員工嘅角度睇,係覺得正面嘅。呢件事之後,無論輿論定內部員工都有啲唔高興,自己個身份感覺到被排斥。作為管理層佢願意去交代返,點都好過冇反應」。但他慨嘆,與梁家榮的關係「好難返翻去發生件事之前」。

然而,今日的握手過程中,梁家榮並未有提及員工真正關注的升遷問題。「完全無掂呢件事,畢竟係節目中間嘅break,唔適合講得好詳細」,雖然對此表示理解,但曾志豪亦強調,是次風波只是陳敏娟事件中的支節,「雖然觸碰到員工身份認同問題,但同陳敏娟件事相比係兩樣嘢,大家對升遷制度嘅疑慮仍然未釋除到」。他重申,梁家榮需要再解釋清楚陳不獲「升正」的原因,以及電視部未來發展,「佢喺個會不停提到synergy(協作)同resources,係咪代表要節省資源?係咪電視部同事升遷就會有比較多障礙?呢啲疑慮已經積壓咗好耐。」

前日(20日)梁家榮就陳敏娟不獲「升正」一事,與港台節目製作人員工會及員工會面並聽取員工意見。當時曾志豪向梁提問,卻被對方反詰是否CAT II身份,再指曾「唔係員工喎」、「呢個係員工大會」。後來工會解圍稱,曾志豪獲工會邀請,因此有資格參與大會,梁才表示「唔係唔俾你問,咁你想問咩吖」,後來能逐一講出同事名字的梁家榮,更以「坐喺後面個男仔」稱呼他。

(圖片來源:《頭條新聞》截圖)

請支持我們持續發展,透過PayPal或其他方法贊助我們!
金額:
分類:|發表於2016年7月22日 下午9:45

發表評論

讀取中…
《經濟學人》今期提香港警隊正失民信 憂將成中共政治工具