中大調查:四成青少年撐「港獨」 3.6%相信「香港獨立」有可能

庫斯克

-庫事山下

教育工作者、博客、專欄作者。信奉自由主義。文章見於報刊及網媒。著有《通識我主場》一書。

以政治主張審查候選人資格,香港即刻變第三世界│庫斯克網誌

2016-7-24 14:46
字體: A A A

政府先係響立法會通過嘅參選表格之外,僭建一份只有一日諮詢期嘅「確認書」,除咗熱普城同建制派話會簽之外,本土同泛民都唔簽。跟住就嚟料,email問梁天琦會唔會否認自己「仍然主張及推動香港獨立」,要佢去面見選舉主任,結果見完之後選舉事務處限佢幾日內回答。

呢件事嚴重程度,足以令香港即刻變成第三世界失敗國家。點解?

以政治主張去審查一個參賽人有冇資格出選,係以任意及主觀嘅條件去剝奪公民參選權,係嚴重侵害公民基本權利嘅做法,絕對不能讓選委會得逞。呢單嘢一定要鬥到底。

好快會有人話,唔係主觀架,違反《基本法》條文喎佢。

喂,醒吓啦,《基本法》係憲制文件,內容係用嚟規限公權力、定立重要社會制度、保障公民基本權利等等,唔係好似刑事法咁set仔細規矩要公民去守,所以我地只會見到新聞話政府政策被裁定違反《基本法》、現有法律條文不符合《基本法》,而唔會聽到有市民被裁定違反《基本法》。

如果要用法律限制候選人資格,而家《選舉條例》已經寫得好清楚,例如年齡、國藉、坐監冇得選等等。用違反《基本法》嚟剝奪候選人資格,絕對不能接受。

況且,退二百步講,《基本法》明明有條文講點樣修改,咁有人要求改到變邦聯、自治、獨立、變直轄市、歸台,或者歸自護公國得唔得?咁又何來違反《基本法》?

再者,《選舉條例》裡面只係授權選舉主任確定候選人符合法例要求,而唔係去以政治主張審查候選人。今日可以審查港獨主張,聽日唔知會審查乜嘢,簡單嚟講,就係可以好似伊朗、東南亞同南美某啲獨裁國家咁,搵啲針對性嘅藉口阻止反對力量參選。香港變南美失敗國家,慢慢變又得,即刻變都得,得咗。

(原圖為梁天琦Edward Leung fb 專頁截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年7月24日 下午2:46

發表評論

讀取中…
《Pokémon GO》——改變日本的契機?│林兆彬網誌