【以讀供讀】游清源now新聞台新節目《以讀供讀》新一集:《強國不強?》(上)

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

乘客「急」,司機仲「心急」!│銀水│的士大哥

2016-7-30 12:28
字體: A A A

近排天氣咁熱,好自然會飲多啲水。之不過,我哋做司機嘅有時揸車,唔方便成日去廁所,雖然知道對身體唔好,但有時都會刻意飲少啲水。但係的士司機都算幾好㗎啦,起碼可以自由少少決定幾時去廁所,如果係公共交通工具司機,急起上嚟都唔知點算好!不過,「急」嘅又點止司機呢,其實乘客「急」嘅話,我哋做司機嘅仲「急」!

就好似前幾日夜晚9點幾,我喺新葵興廣場車個男乘客去馬灣。個客上車開頭都冇乜嘢,又好正常咁,但隔咗冇幾耐,佢就開始有啲奇怪……個人郁嚟郁去唔知想點咁,然後仲叫我開快啲。我最憎就係啲客叫我開快啲㗎啦,有時唔係話快就可以快㗎嘛!所以我決定唔理佢。

去到某一個紅綠燈位時,啱啱準備轉紅燈,咁梗係喺斑馬線前面停低啦。喺呢個時候,個客突然之間大叫:

「衝啦!衝呀!」

無端端大叫,嚇死人咩!雖然我都有聽佢講開快少少,過埋個燈位,但忽然咁樣大叫,真係會嚇親司機,好易發生意外囉……望一望後面,見到個客面容扭曲喺度講:

「我肚痛啊!你係唔係想我整污濁你架車呀……」

唔係掛,入馬灣段路都冇位可以停車畀佢去廁所,如果佢真係整污糟我架車咪大鑊?我聽完之後,就好似英國嗰個F1賽車手咸美頓咁,將架車有幾快開幾快(但冇超速㗎),將佢車去目的地。好彩最後都趕得切,安全到埗!

個客落車時仲好似好感激我咁,好好禮貌同我講「唔該」,但我心諗:「其實我要多謝你先真啦……」。

所以大家搭的士,特別係因為肚痛而想我哋開快啲,就記得早啲講明係「肚痛」!方便我哋盡量配合嘛。

(圖片來源:Google Maps截圖)

 

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年7月30日 下午12:28

發表評論

讀取中…
航機內向空姐潑果汁 大陸男女涉嫌普通襲擊被捕