陳建平網誌│傻仔與政治家──你還記得陳國強這個人嗎？

2012年立法會選舉，新界東有一名參選人，叫陳國強（圖中）。

2012年他落選後，我曾經跟他做過訪問。近日在facebook上看到他霸氣地說，不喜歡各黨派的人對他指指點點，更說「我，陳國強做事，不需你們指指點點！」突然想起當天的訪問。

那次訪問前，我盡力做資料搜集，卻發現除了幾條爆seed短片外【註】，網絡上根本沒有他的資訊：無做過傳媒專訪、無維基百科、無個人網站，甚至連facebook page也很少更新。究竟你是誰？

到了訪問當天，我只能拿着他今屆和2010年五區公投參選的政綱，戰戰兢兢地在電台等候。比約定時間早十分鐘，陳國強跟太太和兒子一起來到，我們也不多廢話，直接開始錄音。

「為何你要參選？」

「唉，其實搞政治好辛苦架，我根本唔在乎議席同埋薪金，參選，係因為真係睇唔過眼啲民主派。我舉個例子呀，雷曼兄弟爆煲後，劉江華呀，明明響立法會外應承幫苦主追究到底，結果一開會，即刻投反對票呀，大佬，連查都唔肯查呀。咁你啲民主派區議員，點解唔即刻印傳單出黎，日以繼夜咁派，俾人知道原來佢咁衰啫！好啦，跟住一到選舉，民主派又嚟打自己人啦，大家都係爭取民主，有咩好打啫？又唔見你去鬧建制派！」

「你話自己一直都關心社會，為何多年來沒有在傳媒上見過你？」

「因為我冇政黨呀嘛，你諗吓，如果我打上電台，同人講我好公義架，好關心社會架，嚟訪問我啦，啲人即刻收線啦，睬我咩？」

看到這裏，不知你會對陳國強有何感受？依然覺得他很「膠」，抑或有點欣賞他？我自己也說不準。不過，他令我想起「事旦男」，明知會被人看作傻仔，但為了目標，總會勇往直前。

我有時覺得，香港政壇，好像就是太缺乏這些「傻仔」。利益轇轕、權力慾望、群眾歡呼、傳媒曝光，太多議員愈做愈圓滑，甚至有時已忘了當初為何要參政。

「啲後生仔話加入民建聯易啲上位，因為個黨多錢，咁我問佢哋點解要上位呀？佢哋話，唔知呀，總之就係要上位。喂大佬呀，從政唔係要講理想架咩？」這是陳國強說的，真他媽的有道理。

究竟陳國強未來會否成為議員實現理想？我不知道。我只記得，長毛當選議員之前，全世界都覺得他是「傻仔」，今天卻成為了新東票王。