「親習派」內地媒體批中聯辦失職 港網媒率先反擊「是騙子」

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

橫風橫雨八號波 的士可以賺幾多?│銀水│的士大哥

2016-8-13 11:38
字體: A A A

上星期,香港難得掛咗今年第一個「八號波」,有唔少打工仔仲有得放半日甚至一日假添,唔通個風真係勁到連「力場」都頂唔住?不過,打大風、落暴雨反而係我哋嘅「發財好機會」。因為唔少客都會貪方便揀搭的士,雖然有機會塞車,但起碼唔使同其他人迫餐死,起碼上到車先呀!

究竟我哋喺「八號波」日子可以賺幾多?打風之後幾日,我就同幾位行家飲個茶,交流吓。有個行家話當日賺咗2,000蚊;另一個行家仲勁,一日就搵到$5,000喎,係真唔係呀!

不過,我就覺得「八號波」揸車始終都幾危險,天雨路滑易發生車禍,有啲路又可能會水浸。如果大風啲,連招牌同樹都可以吹得冧!所以每逢呢啲「難得一遇」嘅日子,我都唔會開工。趁機休息一日半日唔係好過份啫,反正錢又搵唔晒嘅。好似職安健咁講,可以「開開心心上班去,平平安安回家來」就已經滿足啦。

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年8月13日 上午11:38

發表評論

讀取中…
孫楊般的中國,似雍正的習近平該怎對待香港?│丘偉華網誌