【里約奧運】「閃電」保持成功實現3×3圓夢 決定結束奧運生涯

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

垃圾桶多又如何……│銀水│的士大哥

2016-8-20 12:33
字體: A A A

雖然打工仔冇暑假,但唔知點解都有好多人鍾意7、8月旅行。咁我當然都唔例外啦!前排就同屋企人去韓國玩咗幾日。平時壓力咁大,去旅行放鬆吓都幾好㗎。

返嚟香港第二日,好似平時咁一早去開工,又撞啱有個要去機場搭飛機嘅客。可能去完旅行返嚟,心情仲係好興奮,想同其他人分享去旅行有咩所見所聞,所以一知道呢個客都係去旅行,就梗係要同佢傾吓去旅行嘅嘢啦,有共同話題嘛。

我哋傾咗好多嘢,例如喺香港周街都見人邊行邊食煙,但其他國家就好少見。另一樣係,其他國家街上得好少垃圾桶,日本、韓國,馬來西亞同新加坡都係咁。如果行行吓街有垃圾要扔,真係要行遠少少先得。但喺香港就唔會有呢個問題,周街都有垃圾桶。但多唔代表好,人哋嘅地方乾淨過香港多多聲,你哋話係咪?

題外話,諗返起政府前排話要整細垃圾桶個口,就真係好多餘,都唔知為咩?啲垃圾仲係因為咁而擺晒喺附近。大佬吖!又好似宣傳垃圾分類咁多年,都冇乜成果,我都見過自己屋苑啲垃圾,明明已經有住戶分咗類,但最後都係畀人全部裝返埋一齊拎去扔。咁仲有咩作用吖?

(圖片來源:蘋果日報、Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年8月20日 下午12:33

發表評論

讀取中…
【哮喘豬】瘦肉精含量異常高信非大陸農場落藥 食環署已報警