【以讀供讀】游清源now新聞台《以讀供讀》新一集:《1公分的輸贏》

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

兩個傻佬講電話……│銀水│的士大哥

2016-8-27 12:30
字體: A A A

最近嚟緊都真係有幾多新手機開賣,Samsung有Note 7,蘋果又就嚟出iPhone 7。而家無論係電話定係科技產品都好快有新款,好多人都未必追得上。就好似藍牙耳機啱啱推出嗰陣,明明見到街上好多人部手機都冇插住條耳機線,但佢哋又「自言自語」,我都畀呢班緊貼潮流嘅人嚇得多!

好似前幾日,我去咗沙田等客,趁未有客嗰陣見悶,又冇嘢做,就同個行家傾咗陣電話。到有客上車,梗係要即刻收線啦,開車唔可以拎住手機傾電話嘛。

知道個客要去尖沙咀之後。我見同頭先個行家未傾完,咪改用藍牙耳機同佢繼續傾。可能自己傾到興起啦,唔小心傾得太大聲,連個客都睇唔過眼出聲話我。

「嗯……可唔可以細聲啲呀?」
「啊!唔好意思……」

畀佢話完我都識做㗎啦,即刻收斂吓,費事嘈到佢。但隔咗一陣,又聽到佢用一個好唔耐煩嘅語氣問:

「你又想點呀?」

好多客唔係真係咁斯文㗎嘛……聽到佢咁講,我都有啲驚。咁啱架車駛到紅綠燈位,要停車,我就趁呢個時候望吓倒後鏡,睇吓個客做乜嘢先。發現佢「自言自語」講唔停。望真啲,原來佢都係用緊藍牙傾電話……佢又識叫我細聲啲傾喎,自己咪又係咁大聲……

個客由上車冇幾耐開始傾電話,到落車都未傾完,我都冇佢傾得咁耐。諗返起當時車上嘅情況,都真係幾搞笑,兩個人你一句我一句,但又唔係同對方講緊嘢。如果有其他人聽到我哋嘅「對話」,可能真係以為我哋係傻佬吖!

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年8月27日 下午12:30

發表評論

讀取中…
金牌運動員訪港 康文署公佈「七大禁」:禁帶侮辱及政治成分的橫額