【決戰立會】新東首人宣布「棄選」 鄭家富拒范國威呼籲堅持「迎難而上」│丘偉華

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

票站人員,我都車過……│銀水│的士大哥

2016-9-3 12:30
字體: A A A

聽日就係投票日,如果近日有睇過吓新聞,都會聽過選舉事務處畀市民「發現」,原來投票日之前,已經會有票站人員將選票同物資拎返屋企。先唔討論佢哋啱唔啱先,其實我都曾經車過呢啲人……

呢個客係喺太古坊上車,佢拎住一個大約24吋至26吋左右嘅黑色喼,上面印住「選舉事務處」字樣,個喼亦都有鎖鎖住,仲有條類似封條嘅嘢封住(好似係)。

本身以為好多市民都知呢個安排,但到出咗呢單新聞,先知原來大部分人都未聽過。聽講唔少人都驚,政府會唔會有人喺運送選票嘅過程「做手腳」,但其實會唔會係我哋太過敏感呢?不過從呢件事睇,好明顯係因為香港人對呢個政府冇晒信心先會咁……

今日就講住咁多先,無論你係支持邊個候選人都好,聽日都請你盡公民責任,投下「神聖一票」。香港一定要贏!

(圖片來源:蘋果影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年9月3日 下午12:30

發表評論

讀取中…
【決戰立會】《明報》引述青年新政反擊《成報》 最新民調揭僅剩梁頌恆入圍│丘偉華