【決戰立會】沙田區議員引述有選票 暗遭民建聯標誌上早蓋「剔」號「陰」選民

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

唔想輸的《點五步》—寫在立法會選舉日│謝頌昕網誌

2016-9-4 12:30
字體: A A A

話說上周六,同《點五步》團隊做咗個訪問,連埋跟團去謝票,前後約兩小時,而呢個訪問做得到,背後係有一連串嘅巧合:

巧合1,上星期六,身體抱恙要暫別泳池
巧合2,買戲飛買啱場數
巧合3,遇著沙燕隊嚟謝票
巧合4,無需趕返屋企
巧合5,電影團隊謝完票有時間

必須指出,呢個訪問係完全即興,事前基本上毫無準備,而且肯肯定一句,852上下冇人知我去做訪問,即係會唔會出都成問題。可能你會問:冇準備都照去?仲要唔知出唔出到?嚟緊仲要做立法會,有冇咁多手?再問落去,一定有好多嘢可以問落去,但當時我只係諗到一樣嘢:唔好放棄任何機會。

查實訪問當日有好多可以就咁算嘅時候,行慢些少跟唔上電影團隊、deadair幾句、交換完卡片、去到地鐵站口,只要講聲「加油,拜拜」,就可以甩身鬆人去行街,但一個有得做訪問嘅機會就會冇咗。

無意喺度自吹自擂,但喺852剛好兩年,學到嘅就係唔好放棄任何機會,而機會好多時,都可以係自己創造出嚟,只要唔好放棄。製成品好壞,實屬後話,重點係有否把握過機會,中途有冇拼盡全力做好工作。

一樣米養百樣人,或者有人覺得無謂攞苦嚟辛,安份咁做完手頭嘅工作,就可安心去收工,誰也沒欠誰;即使遇到上述嘅情況,散場後去嘆咖啡行街周圍貢,其實亦無不可,反正當日放假,冇人會怪你。咁樣嘅思維,絕對冇問題,但唔想輸,唔好渾渾噩噩,就要堅持落去唔好放棄。

《點五步》嘅謝志龍唔想輸、沙燕西唔想輸,我都唔想輸,今日大家共勉之。

PS,狀態一般文筆欠佳請見諒,多謝監製柯星沛容許我跟隊謝票,祝《點五步》繼續叫好叫座。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年9月4日 下午12:30

發表評論

讀取中…
梁啟智:回應網上流傳的「雷動棄保名單」|特約轉載