雞同鴨講──男士眼線筆同緊身褲,原來有專屬英文名?|A Chicken Talking To A Duck By Chatterbox

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

香港人唔再關注中國女排,變成關注選舉?|銀水|的士大哥

2016-9-10 12:30
字體: A A A

最近香港發生咗兩件都令大家幾觸目嘅事,其中一件就梗係上個月舉行嘅奧運啦,第二件就是上個星期日舉行嘅立法會選舉。我哋平時開工接觸咁多唔同嘅客,有時見到佢哋對唔同社會議題嘅反應,都係覺得幾有趣。

首先講吓奧運啦!話晒都係國際盛事,所以奧運期間我都不時同啲客講起呢個話題。不過真係估唔到,原來留意奧運嘅香港人都唔係太多,就算有睇開,都只係會講吓香港運動員,好似李慧詩、「黑妹」葉姵延,同埋歐鎧淳,而唔會提起中國隊。

想當年,大約係80年代,睇住中國女排成長,所以睇奧運見到佢哋反敗為勝奪金,都有少少高興。之後一日開工,趁有4個女學生上咗車,梗係同佢哋傾吓女排啦,但原來而家唔少香港人的確唔關心中國隊,其中一個學生仲話「冇咩特別啫!」、「關我哋香港咩事?」

至於選舉啦喎,投票當日我就冇開工嘅,一早就去咗投票。平時香港人畀我嘅印象,都係政治冷感,就算係去投票,都只係為咗盡公民責任,唔會覺得自己一票好重要。但投票之前幾日,我開工都有唔少客會同我傾選舉啲嘢。有一次仲見過有個年輕人同朋友傾電話,同朋友好認真咁討論,究竟投票日要投邊位候選人好。

呢兩件事對我嚟講都幾深刻,原來香港人不知不覺已經變咗咁多。不過點都好,見到香港人對投票咁上心,始終都係好事!

(圖片來源:央視截圖、蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年9月10日 下午12:30

發表評論

讀取中…
《星島》:警方相信朱凱廸死亡威脅來自黑幫 《明報》:政府高調回應免外界陰謀論