《屍殺列車》成香港最賣座韓片 喪屍片迷拆解五大原因|樂思施

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

跟住佢……傻的嗎?|銀水|的士大哥

2016-9-17 09:28
字體: A A A

唔知係咪大家近排睇得大台9:30套偵探劇多,個個都以為自己係偵探……

好似前幾日咁,嗰日下晝2點幾,我喺紅磡開工,「碌緊街」搵客。過咗一陣就見到前面冇幾遠有個客截車,離遠見到佢其中一隻手戴住隻白色手套。當時已經覺得佢好似有啲奇怪,天氣咁熱都好少人戴手套呀,而且仲要只係戴一隻添。

個客一上車,滿身酒味不特止,仲好似偵探上身咁,即刻叫我追住前面架的士,叫我小心啲,唔好畀對方發現。嘩,當我係偵探助手咩,話跟就跟。不過眼見前面架車越駛越遠,都唔過問咁多啦,嗱嗱聲開車。

睇嚟個客都係飲醉酒,上咗車冇幾耐,佢就已經開始自言自語。後來同佢傾多幾句,終於知道點解佢要追住前面架車。原來只係因為佢本身截咗前面架車,但個司機唔理佢!所以好嬲!唓,撞鬼咩,原來只係咁無聊,咁我跟落去有咩意思啫!仲以為係啲咩大case!

既然係咁,即係個客本身都真係有地方要去啦,唯有直接問佢究竟想去邊,唔好嘥我時間,原來係旺角,最後我就喺登打士街放低佢。

雖然偵探劇係好睇,但大台嗰啲就真係唔好睇咁多啦!萬一個個睇完都以為自己係偵探,我哋就頭痕囉!係喎,咁點解佢只戴一隻手套嘅……?

(圖片來源:Google Maps截圖、《神探伽利略》劇照)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年9月17日 上午9:28

發表評論

讀取中…
好人好事|常月明網誌