犢男網誌│你知道facebook、Apple、Samsung等科技公司一秒就能賺多少錢嗎?

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│著名建築點令的士佬有遐想?

2014-4-27 13:00
字體: A A A

唔知係咪臨近世界盃,有啲人想展示腳法,喺呢個星期發生咗兩單夜蒲男女踢凹的士門事件,有說係的士司機拒截,有說則係醉酒閙事。司機拒載就一定唔啱架啦,不過邊個唔着都好啦,我哋做服務性行業嘅,蝕底嘅咪又係自己!既然都接咗個客,咪做囉,多多少少都叫有生意嘛。

我哋揸的士嘅除咗見到好多客之外,由於我哋邊度都會去,發覺原來香港有好多建築物都千奇百趣,好有特色架。等我同大家分享吓:

金鐘遠東金融中心、尖東中港城碼頭──都係強國人的最愛,因為外牆都係土豪金,金碧輝煌。

國際金融中心IFC一、二期──就像一長一短的修剪鼻毛機。有趣!

曉盧──據說係大美人同許公子居住嘅地方,就像一雙筷子插喺司徒拔道。

山頂凌霄閣──就像山上有一個竹筒飯。

黃埔海名軒──雖然外觀冇乜特色,但佢比旁邊啲大廈高出一倍有多,鶴立雞群。

灣仔會議展覽中心──唔使講都知佢似一隻海龜啦。

嘉亨灣──又係比太古城高一倍嘅建築物。

中環中心、中環廣場──外型好似同一樣,連名都差唔多,唔怪得咁多人會搞錯啦。

中銀大廈──一把「三角銼」插喺中環,異常突出。

中環匯豐總行──聽講佢整座可以搬走,但唔知用咩交通工具嚟搬呢。

太空館及香港藝術館──坐擁尖沙咀無敵海景,睇落好似冇窗一樣,白白浪費咗咁靚嘅景觀。

最後,灣仔喜帖街有個新樓盤,露台設計新穎,我睇落就好似一啲嘢嘞,不過就唔方便講比大家聽,大家經過時不妨望上去,自己睇睇想像吓啦。

(《蘋果日報》截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年4月27日 下午1:00

發表評論

讀取中…
Angelina網誌│為了一個飛機餐,你可以去得幾盡?