阿健網誌│著名建築點令的士佬有遐想?

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│為了一個飛機餐,你可以去得幾盡?

2014-4-27 12:15
字體: A A A

在剛過去的復活節,差不多每日都要上班,由於大陸沒有復活節,所以乘客主要是香港旅行團,或者一家大小。老實講,香港團一直都是我們的惡夢之一。

我:你好,今日有中式點心或者炒蛋煙肉。
香港auntie:點心有咩?
我:蝦餃燒賣糯米雞。
香港auntie:哦,炒蛋係邊種炒蛋?
我:開俾你睇(反白眼中)
一眾auntie經過一番討論,終於決定要點心,亦進入飲茶mode。

「靚女加啲茶唔該!」「有無普洱?」「嚟多杯呀!」

阿姐,呢度係飛機唔係茶樓,飛機餐唔係飲茶。我哋嘅餐車唔係茶樓有十幾種點心嗰種,得兩個選擇咋!唔識揀就同你朋友一人一款,唔好煩啦!

另外,一家大細也不見得是善男信女。

最近在同事facebook見到,一個爸爸因為沒有選擇,只剩魚飯,於是在小朋友面前,用無賴的態度說自己真的不能吃魚。但由於我們真的沒有別的餐/阿姐唔想俾組員餐,最後他還是死死地氣食魚飯。

我諗這位爸爸唔係好識分「不能吃」和「不想吃」。這種「不能/不想」混淆症病患者,常見於印度人(又稱「搖頭國人」)。每次派餐總說自己要吃素的,但自己又無預先向航空公司訂,最後實在翻轉整架飛機都找不到素的,只好給他水果,然後他會跟你說:「我都係要雞飯啦」。

老老實實,飛那兩小時,為了一個飯,在眾人(甚至小孩)面前搞場大龍鳳,折騰別人走來走去幫你搵,真的很難看。最後仲要推翻自己,食埋個魚飯更是難看到極點。在這復活節,這位爸爸只教識小朋友兩個字:無賴(或三個字:689)。

P.S.1:看到其他同事留言說,有乘客為了想吃意大利麵,竟然夠膽死話自己對飯敏感。原來一個人為咗個餐,真係可以去到好盡!
P.S.2:如果不想人家誤會你患上「不能/不想」混淆症,下次請訂特別餐。
P.S.3:早幾日行書局,原來有本書係專介紹各航空公司的飛機餐,估唔到連咁無聊的書都有 =.=

(網絡圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年4月27日 下午12:15

發表評論

讀取中…
陳玨明網誌│愛恨香港100個理由18──先隨處便溺,再隨意強姦