大陸生產高鐵首車卡下周登陸香港 《明報》:車頭加墊圈防現裂紋

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

麻煩call車客,你見過幾多?|銀水|的士大哥

2016-9-24 10:10
字體: A A A

香港人生活真係幾忙碌,每日都分秒必爭。除咗為咗慳時間而搭的士之外,有唔少人仲會call車,連等車嘅時間都想慳返!其實我哋都幾鐘意大家call車㗎,大家都方便啲。不過當然有時都會遇到麻煩嘅call車客。

試過一次接咗張call車柯打,個客話喺佢屋企樓下等。當時我都喺附近,就同佢講7分鐘後到。不過我見佢講到自己好趕時間咁,就專登揸快少少啦,最後只係用咗5分鐘。之不過等咗陣,都過晒約定時間仲未見人,唯有打畀佢問吓啦。個客話自己好快,差唔多落得樓,叫我等多5分鐘。你哋估吓我最後等咗幾耐?原來佢嘅5分鐘係等於15分鐘先啱!咁call車嗰陣又同我講趕時間?

呢啲類似嘅麻煩case都有唔少。仲有一次,去到個客指定嘅地方等,佢話我架車泊得唔啱位,應該要再駛前多兩個舖位先啱,即係要我駛到佢面前先肯上車!唉,其實有時條路咁多車,都唔係我話想駛去邊個位,就邊度有位畀我停車㗎嘛……

雖然麻煩嘅客的確唔少,不過我都明白,有啲行家又做壞規矩,又唔準時,又冇禮貌,又真係等失唔少客嘅,唉……但係多啲客call車,我生意又多啲,其實都係好事。啱啱呢個星期睇新聞,見有公司下年會推廣用信用卡同手機app畀車錢,我就梗係贊成啦!畀錢方便啲,話唔定會多咗人搭。一句講晒:其實做得咁辛苦,都係想搵多啲咋!

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年9月24日 上午10:10

發表評論

讀取中…
雞同鴨講──「英文名」同「牌子名」有咩特殊用法?|A Chicken Talking To A Duck By Chatterbox