【新科立會】本土自決派「新丁」宣誓後行動各不同 朱凱廸赴英查梁君彥青政仍為宣誓爭議|王夕山

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

都是一場戲|鍾劍華網誌

2016-10-18 22:10
字體: A A A

由上星期二中聯辦向議員發話,到政府發出威嚇性聲明,其實已經預咗部份議員會更玩嘢。可能其實就係想咁。不過估唔到兩位青年新政的年輕人會俾張咁靚嘅牌政府及建制派入,張牌大可叫「支那牌」。

之後由建制派嘅議員、政黨、外圍組織、甚至新嘅鴨脷洲街坊一齊潑水,到今日動員300個所謂「歷史學者」聯署聲討,仲要加多句叫佢地放棄特區護照,其實就係暗示佢哋係當今特區不配享有公平的政治參與權。

跟住第三幕就由立法會嗰位「戀殖假愛國」主席報效國家。政府未必有權直接禁制兩位候任議員宣誓,直接禁制也可能有手尾跟。所以先由這一位主席裁決佢哋要申請至可以宣誓,博佢哋又玩嘢,自己把宣誓拉倒,自毀長城,跟著由主席裁決佢哋拒絕宣誓(今日主席講漏了口),自我DQ。這是 Plan A。

依家佢哋乖乖申請,一則聲勢衰晒,大挫支持者的鋭氣,大壯建制派的聲威。然後政府以Plan B 接力跟上,入稟法院JR主席嘅決定,禁制二人明天宣誓。這可謂開香港憲政歷史嘅先河,亦可以成為先例,可說特衰政府十九年來最具創意嘅一著。

反正動員身為公務員嘅選舉主任作主觀判斷,Screen 走部分參選人,令political screening 成為香港人以後政治及民主生活一部份咁核突嘅嘢都做得出,重有乜嘢唔做得?

正是一件是污,兩件是穢,唔好又俾我估中,今晚如果法庭嗰個官唔熟性,政府隨時係庭上提出要提請人大釋法。到時重有冇牌?

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年10月18日 下午10:10

發表評論

讀取中…
【新科立會】傳會計選委聯署解除青政議員職務 學者:宣誓爭議難影響特首選委選舉|皇甫清