《情迷聲色時光》活地亞倫的青春情懷|陳廷清網誌

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

「家國情懷」只是無賴流氓的政治棍子|鍾劍華網誌

2016-10-20 14:25
字體: A A A

用「支那」兩個字,確係唔妥。不過只係因為有兩個年輕人仔用咗呢兩個字,就可以有理由搞流會,癱瘓立法會?有議員話佢哋係純粹為咗泄憤,我唔同意,呢個只係假嘅理由,只係藉口。真正嘅原因係要配合政府及北京當局嘅意圖,要令青政兩人做唔成議員。

老實講,如果講咗兩個字,就足以俾佢哋提升到「反華」、「辱華」、「侮辱列祖列宗」、「民族敗類」呢個層次,要用盡洪荒之力嚟窮追猛打,咁殺咗八千萬中國人呢條數應該點計?講咗那兩個字就連宣誓做立法會議員都要扺制?咁向日本仔講,話「多謝佢哋侵華」(語出偉大的導師毛澤東),咪要即刻推出去槍斃!而且佢哋係民選嗰喎,有民意授權㗎喎,駛乜呢啲塘邊鶴多事,選民如果唔滿意,就會透過選票嚟懲罰佢哋。呢班建制派議員代表緊邊個?佢哋好多其實連一票都無!

總覺得郁啲就將「反華」、「辱華」、「侮辱列祖列宗」、「民族敗類」這些東西抬出來,都是極端民族自卑感的表現,又或者只係別有用心。極權政府最中意抬出這些大道理來打壓迫害反對者,用來對付自己睇唔順眼嘅人。所以「反黨」、「反對毛主席」這些罪名曾經用嚟迫害殺死不少國家嘅精英同埋有道德良心嘅人。呢班建制派,唔識歷史、唔讀歷史、其實係唔願意面對歷史,但係就最鍾意包辦歷史,包辦人民感情,動不動抬D列祖列宗出嚟壓人。

如果咁有家國情懷,首先應該譴責共產黨,要求佢向「13億人民」、「全球嘅華人」及「中國人嘅列祖列宗」道歉。

如果咁有家國情懷,愛國愛到聽到「支那」兩個字都要憤怒成咁,重㷫到唔開會,你哋應該拒絕做人大、唔再做政協,拒絕每年都山長水遠去到北京幫共產黨做民主花瓶。

如果咁有家國情懷,就應該要求拆掉毛澤東紀念堂,要拉佢出嚟鞭屍,要求鄧小平為六四事件負責,而唔係年年月月都係做共產黨嘅應聲蟲,只係識配合政府嘅政策,盲撐呢個政府,共產黨做乜你都話偉大正確。

如果咁有家國情懷,點解對嗰啲大人大姐、有權有勢、大奸大惡嘅人咁寬容?又會對D後生細仔咁苛刻惡毒?講來講去,其實個個都係假道學、「假愛國」!

都今日嘅世界,呢啲咁廉價嘅愛國主義呃到邊個?可能呃到啲對歷史無知嘅人,呃到D盲目嘅群眾。或者也可以同你哋同聲同氣、同一個鼻孔出氣嘅「假愛國」互相壯下膽。你以為做俾阿爺睇?阿爺真係會信咩?心照啦!互相利用,各取所需啫!

有句說話,煩D都要再講一次:「愛國主義其實係無賴流氓嘅最後一條遮羞布」。即係話,當再冇辦法諗到其他好啲嘅理由嘅時候,佢哋就會以「愛國」之名,嚟到掩飾佢哋嘅邪惡動機!應用喺香港呢一班所謂「建制派」嘅身上,呢一句說話真係最貼切不過。而且佢哋雖然個個都衣冠楚楚,但確實個個都只係「無賴流氓」。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年10月20日 下午2:25

發表評論

讀取中…
有機美容|陳頌紅網誌