妒忌的深淵|常月明網誌

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

黑雨水浸真係好麻煩……|銀水|的士大哥

2016-10-22 08:52
字體: A A A

近排天氣都幾差!先唔好講琴日個八號波呀,前兩日掛嗰個黑雨,都真係幾犀利。對於我哋呢啲仲要開工嘅司機嚟講,就更加係危機處處。當日啲馬路同行人道足足有成呎水氹,成街嘅車都要慢駛,我仲見到有車去到公主道附近加汽時死火添。

黑雨嗰日我都照常開工,有一個男人同個小朋友喺紅磡上車,話要去馬鞍山。不過當時正正係最大雨嗰段時間,連行人路都睇唔清楚,去到目的地都好難搵啱位泊車,所以我只係大約停咗喺路邊。

佢哋準備落車嗰陣,遠處有個女人跑過嚟,應該係個小朋友嘅媽媽啦。點知佢一行埋嚟,就講咗句:

「嘩!做乜停咁咁開㗎?」

我都費事同佢拗!你估我想停到咁㗎咩,水浸得咁嚴重,大家都有眼睇……

不過,經過今次黑雨就睇得出,政府好似都冇檢討過香港嘅渠務問題。就算大家冇出街,都可以喺電視同網上見到出面情況有幾誇張。如果再有黑雨又會唔會有改?

119962

(圖片來源:蘋果日報、作者提供)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年10月22日 上午8:52

發表評論

讀取中…
出位易學難精 宣誓內外呼應|王陸|關公拆局