從康橋之家看香港社會的流弊|進步教師同盟網誌

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

究竟誰更「辱華」?|鍾劍華網誌

2016-10-24 11:55
字體: A A A

今年2016年底了吧?我有冇搞錯?
所謂堂堂的13億人大國、全球人口最多的國家、全世界最大的單一民族-華人、世界第二大經濟體。
都什麼世代了?二戰結束後已經70了、中共建國也67年了。

現在有兩個後生仔,兩個人嘅年歲加埋先至夠資格參加小圈子遊戲競選做特區行政長官,仲要係自己管治下嘅地區嘅國民,講咗「支那」兩個字,就叫做「辱華」?
根據共產黨嘅定義,佢哋「首先係個中國人」喎!係隨時可以喺全球各地被強力部門搭返大陸個種人喎!

以前話:「漢人學得胡兒語,卻上城頭駡漢人」,用嘅語言起碼都叫做外語呀!佢哋依家用緊嘅係佢哋嘅母語中文喎!(起碼嗰兩個字係,否則指控便不成立了)。仲要記住,佢兩個人都曾經分別被國家嘅意識形態機器染紅過嘅噃!

話俾人聽有兩個「華裔」嘅𡃁仔𡃁妺用「華語」嚟「辱華」,因而激親十三億國民及全球「華人」,因而要搞個「反辱華大聯盟」,要動員「全球全國全港嘅華人」出嚟聲討。呢個講法係咪似乎好古怪?有啲唔係幾合乎邏輯,兼且好似幾荒謬!

外人睇到,原來至多都係話佢哋「無家教」。但依家你自己話唔係,要提升到「辱華」這個高度,可能連基辛格都諗到摳爆頭都唔明。呢啲咪叫做丟人現眼、自取其辱囉。
搞到咁大陣仗、公告天下、向全世界宣布呢件咁戇居嘅事,睇嚟先至係「有辱國體」,重要向全世界展示自己点樣自取其辱,亦可以話係唔怕肉酸,向全世界宣佈自己搞到個場幾核突。想問清楚,依家其實邊個喺度「辱華」?

呢班咁嘅嘍囉,連問題嘅基本性質都未搞清楚,將自己嘅一派小家子心態及民族自卑感盡情咁暴露於人前,仲要驚死人唔知自己啲家醜。仲唔係有組織地侮辱自己國家?
呢班咁嘅嘍囉,以為執住兩個𡃁仔嘅痛腳,就可以盡情向阿爺表忠示勇,實質上就係自挖瘡疤,將整個國家帶返去19世紀義和團年代。如果這件事算得上是有任何「辱華」成份的話,最應該被譴責「辱華」嘅其實係佢哋自己!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年10月24日 上午11:55

發表評論

讀取中…
釜山有一個「小香港夜市場」?|鍾樂偉網誌