拒成脫北者的《脫不了北的人》 是真的愛國?|那幻想中的人|黃丹瑤

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

香港失色? 回流金融客都係咁講|銀水|的士大哥

2016-10-29 10:27
字體: A A A

好多人都話香港經濟差咗好多,莫講話上樓呀,連搵食都艱難咗。咁啱前幾日開工車咗個年紀比較大嘅客,同佢都幾好傾。對話中知道佢八九十年代喺香港做金融業,之後移民咗去外國,早幾年先回流返嚟。佢話返到香港,淨係講金融業,都已經覺得同以前相比實在差好遠。

「當年香港真係遍地黃金,只要肯努力,行行都可以出狀元。」

「近年我同啲朋友或者做金融嘅年輕人傾開偈,先發現原來佢哋而家已經覺得呢行係搵唔到食,已經慢慢向大陸發展。大陸而家嘅情況其實有啲似當年急速發展嘅香港,到處都係搵錢機會,佢哋好多時都返大陸講吓talk。聽佢哋講呀,啲talk可以講好多場,仲幾好pay添!」

「就算幫大陸人做生意蝕咗一千幾百萬,佢哋都仲係面不改容!都唔知佢哋啲錢點嚟!總之就正啦……」

之後佢好感慨咁話,好懷念以前經歷過、有情有義有人情味嘅香港,鍾意以前嘅香港多啲……而家香港比起其他國家已經失色咗好多。呢個客算係我最近傾得最開心、最有感覺嘅一位,只好講一句:香港加油!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年10月29日 上午10:27

發表評論

讀取中…
建完就拆|常月明網誌