【新科立會】梁君彥「請你坐低」大笑話背後 怎變相迴避楊岳橋依法質疑?|譚楚喬

讀者投稿

《852郵報》歡迎讀者投稿。請將稿件電郵至 editorial@post852.com。電郵來稿者請註明文題、筆名、個人資料及作者簡介。讀者投稿文章的觀點均來自作者,並不代表本報立場。編輯部保留對所有稿件的篩選及編輯權利。

思言財雋:換到特首,天下太平?|讀者投稿

2016-11-2 16:50
字體: A A A

筆者上星期同一班金融老死食晏。吹吹吓水又再講到近日政圈熱話特首「跑馬仔」。大家都覺得今屆特首選舉花生指數甚高。作為金融從業員,我哋哽係想揾個識得金融經濟而個人性格又開通嘅候選人做下屆特首啦!尤其係今年金融界普遍慘淡經營,有好多行家飯碗不保,成個社會又撕裂又寸步難行。再咁落去,成班老死都話唔換特首,肯定「冇運行,移民喇!」

所以一聽倒hea咗十年嘅財爺「to run」呼聲愈嚟愈高,近日仲傳出金管局總裁陳德霖都有意想跑埋一份,咁未來5年仲唔係金融界嘅天下!?

但係諗深一層,大家嘅興奮其實只能夠好似觀眾睇好戲咁。場「跑馬仔」大家全部冇份落注,因為成班老死雖然個個位高權重,但都唔係銀行大班或者經紀行老闆,連代表金融界同金融服務界嘅選委競選都冇份投票。若果最後財爺真係有「習大大」祝福做倒特首,佢點都只係由1,200人嘅選舉委員會選出嚟,咁究竟到時佢係同「習大大」、選委會、定同香港市民交代呢?

呢個問題一眾金融人當然都啞口無言,事關大家都知道依傢個制度係畸形嘅,特首只係由1,200人選出嚟,有冇需要同全香港700萬市民交代呢?筆者只係擔心,若然「習大大」最後真係慈悲為懷,俾金融人至愛財爺坐正,香港人會唔會就咁收貨,以為自此會天下太平?

下星期若Donald Trump爆冷當選,美股可能會跌一輪,但係各金融才俊會唔會從此唔買美股美債呢?美國有嘅係完善嘅制度,所以衰完可以彈翻起身。至於香港,政治制度一日唔改革,唔能夠真正還政於民,邊個做特首最後都可能由當初嘅萬千寵愛變成千夫所指。所以各位金融才俊,千祈咪以為財爺坐正就乜都攪掂,又可以繼續做番個「離地政治盲」。香港冇一個真正公平嘅普選制度,到最後大家可能都只有無奈講句:「冇運行,移民喇!」

(撰文:阿灰@思言財雋)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年11月2日 下午4:50

發表評論

讀取中…
為今之計,梁游應該辭職,引發「港獨」公投!