【宣誓覆核】專業團體報章登廣告斥釋法毀法治 法律界今發起黑衣遊行

【嚴打「港獨」】石永泰批人大釋法只攞住兩個字大演繹 批再拘泥梁游是「人」是「鬼」屬「低層次」

2016-11-8 10:14
字體: A A A

中國全國人大常委悍然又釋法,令大律師公會前主席石永泰在有線新聞今日播出的專訪中,也要發炮。他直斥,今次釋法,「佢(人大常委)就係攞住《基本法》104條裏面呢個『依法』嘅詞語,就喺度話呢個『法』其實應該係乜嘢野」,北京為何認為香港司法系統不能解決今次事件,「要插入嚟呢?」

石永泰直指,一般普通法法治社會,都不會由立法機關來解釋法律,但大陸就是一開始已堅持,要讓人大保有法律解釋權,但同時又知道要保持香港法治精神的重要,這就是為何她當初制定《基本法》第 158 條,規限人大如何有權釋法的條文所自。

石永泰直斥,人大「今日佢嘅底線係咁樣,『你唔好講港獨嘞』;明天、十年後,你會唔會覺得強大到,唔多需要去理會國際社會嘅看法,喺六四嗌『結束一黨專政』都唔畀呢?」,「一個好似浮沙嘅政治底線」,正是不少港人當前更大的憂慮。

對梁振英昨日揚言97至今僅釋法5次,石永泰亦直斥「久而久之會成為語言習慣」,「5次啫,跟住下一次就6次啫、7次啫」,「我揼你一次,你條骨冇斷,你裏面傷一傷」,「咁到你大個咗之後,咁就係好傷啦嘛」。

石永泰坦言,如今形勢,香港一方面只能仰賴北京的「政治善意」,港人也要「跨政治、跨黨派」,「挺起胸膛,挺起腰骨」,向中央痛陳當中利害,令中央明白不能「有權用盡」;同時,港人不要拘泥於今次不滿青年新政兩名立法會議員梁頌恆及游蕙禎的宣誓表現,又或質疑兩人是「人」是「鬼」,因此無視中央今次釋法,「呢啲係好低層次嘅想法」,「恒久的警惕係自由嘅代價吖嘛」。

(圖片來源:有線新聞截圖)

請支持我們持續發展,透過PayPal或其他方法贊助我們!
金額:
分類:|發表於2016年11月8日 上午10:14

發表評論

讀取中…
【特首跑馬仔】梁特「搶答」連任問題:我現在冇消息|丘偉華