【新科立會】《香港01》傳70歲陳婉嫻 或復出九西補選

【嚴打「港獨」】石永泰批梁特「無嘢都變有嘢」北京須換人 「大陸最唔識做嘅嘢就係公關」

2016-11-9 07:40
字體: A A A

中國全國人大常委會借青年新政兩名立法會議員梁頌恆及游蕙禎「宣誓風波」,悍然首度於本港法庭未判決前主動釋法,並遭指試圖直接演繹本港內部相關條例。香港大律師公會前主席石永泰,繼在昨日有線新聞播出的專訪狠批後,今日日再獲明報刊出他昨日的全篇相關專訪,進一步批評梁振英。

石永泰指,近年「港獨」爭議絕對是梁振英激揚所致:「我哋做大律師,如果對手係無理據,但你仲走去大篇幅講,不但抬舉咗佢,仲將焦點聚咗去無嘢嗰度,咁無嘢都變有嘢」。就連他年近五旬,去年也因受梁振英言論刺激,到書局購買梁振英當時所指控的書籍(編按:即《香港民族論》),書店本身也早將這些書籍放在店門前,所以「點解佢哋(梁、游)有6萬票?邊個無事搞出事?」

石永泰續稱,公眾對梁頌恆及游蕙禎也應公道一點,任何年輕人愈叫他們不要做,他們愈要做。但正如拔萃男書院副校長曹家偉早前公開回應,有學生成立倡議討論「港獨」的「男拔國是學會」,都是說「畀個平台佢哋噏吓,啲小朋友3分鐘熱度,噏完一輪了解咗……係一個學習過程」,連「中學副校長對細路仔也可以有咁開明、make sense(理智)態度,作為領導人無事煲到咁大,仲要喺度賴人,唔係好負責任囉」。

石永泰直稱,下屆特首必須換人;「共產黨講過實踐係檢驗真理嘅唯一辦法」,若想知換人是否可以「減低某些思潮」,唯一的方法自然是換人。

他亦提及,今次釋法,進一步令外界不滿大陸的法治意識,「大陸最唔識做嘅嘢就係公關」,近日卻反而有很多「代言人」高調撐釋法,甚至說會陸續有來,只會適得其反。

(原圖為蘋果日報網頁圖片)

延伸閱讀:

【嚴打「港獨」】石永泰批人大釋法只攞住兩個字大演繹 批再拘泥梁游是「人」是「鬼」屬「低層次」

請支持我們持續發展,透過PayPal或其他方法贊助我們!
金額:
分類:|發表於2016年11月9日 上午7:40

發表評論

讀取中…
人大釋法與應變四策|桑普網誌