雞同鴨講──特朗普震驚了全世界人民…英文點講?|A Chicken Talking To A Duck By Chatterbox

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

遊客覺得香港好好玩,真係……?|銀水|的士大哥

2016-11-12 08:48
字體: A A A

平時開工都會接觸唔少遊客,前幾日我就喺尖沙咀一間酒店接咗一家三口上車,同佢哋傾咗幾句,知道佢哋係上海人,今次係第一次嚟香港,之前幾日已經去過好多景點,又去過食米芝連介紹嘅點心舖,當日佢哋就諗住搭我架的士上山頂。

既然遇到遊客,就梗係問吓佢哋覺得香港好唔好玩啦,佢哋就話覺得香港好靚,尤其是夜景添!仲話香港又多美食,又多嘢買,唔怪得會有人話香港係美食天堂同購物天堂啦!

知道佢哋嚟自上海,咁我都有問吓佢哋會唔會去香港個迪士尼。佢哋話,上海迪士尼之前都有去過,地方又大,個仔都玩得好開心,既然香港都有,一場嚟到都會去!前幾日佢哋都已經去咗海洋公園,仲覺得好多嘢玩,個仔仲玩到唔捨得走。

雖然聽到佢哋話嚟香港旅行玩得好開心,但我自己都喺度諗,如果要推介個地方畀佢哋去,究竟仲有咩可以提議呢?天壇大佛?昂坪360?銅鑼灣?旺角?除咗呢啲幾乎每個遊客都係去嘅景點同名勝,仲有啲咩地方真係有香港特色?香港人本身又係咪真係覺得香港咁好玩?香港特色……我諗唔到囉。Sorry……

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年11月12日 上午8:48

發表評論

讀取中…
倒米變得米,無事不可能|王陸|關公拆局