【特首跑馬仔】梁振英親接機迎習近平 陳茂波拒答報警追究梁國雄前有否問CY|丘偉華

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

梁游被DQ 市民係點睇?|銀水|的士大哥

2016-11-19 09:38
字體: A A A

今個星期二最大嘅新聞,當然係青年新政兩個議員畀法庭DQ啦,當日開工開住收音機,電台差唔多全日都講緊呢單新聞。不過,我唔係想喺度講新聞或者政治,而係想同大家分享吓啲市民對呢單新聞嘅睇法。

話說當日我都車咗唔少客,因為好奇,所以我都有留意吓佢哋聽到電台講呢單新聞時有咩反應。其中一次,車上有4個客,2男2女,望落應該似係大學生。不過電台一路講,佢哋都冇乜反應,亦都冇討論,都只係繼續吹水同埋玩手機。究竟佢哋係之前已經討論過?定係真係完全唔關心呢?

之後一次,就有個大約60幾歲嘅女人上車,佢一聽到呢單新聞就好大反應,「好囉!抵佢哋兩個死囉!取消佢哋資格就啱啦!」之後仲講咗好多好難聽嘅說話,咁嗰啲我就唔喺度講啦……

最後一次,就係一對大約50幾歲、有大陸口音嘅夫婦,佢哋喺東涌上咗車冇幾耐,個男人就閉目養神,而個女人一聽到電台播呢單新聞,就喺度問我成件事嘅來龍去脈,咁我都費事同佢解釋咁多。不過我越唔講,佢就好似越想知,仲不停問我:

「你哋香港係咪發生過『佔中』呀?」
「你哋『佔中』」為咩?」
「香港人係咪好唔鍾意大陸人吖?」之類……

其實佢仲問咗好多同香港政治有關嘅問題,不過費事答啦,萬一講到嗌交點收科!

而家諗吓諗吓,究竟佢哋係咪間諜嚟呢……?

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年11月19日 上午9:38

發表評論

讀取中…
雞同鴨講──如何用英語形容宣誓風波的陰謀論?|A Chicken Talking To A Duck By Chatterbox