懂得press the right button的主子|在社會浮沉的點點|黃思穎

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

的士「服務差」? 又真係唔抵幫嘅……|銀水|的士大哥

2016-12-3 09:38
字體: A A A

好多人對的士嘅印象,除咗車費貴,就一定係「服務差」!咁又係嘅,的士司機話晒都算係服務行業,有時聽啲人批評有行家態度差,又拒載,都真係唔抵幫!前幾日都有乘客同我分享咗一個唔多愉快嘅「搭的士經歷」……

呢位喺太子道上車諗住去沙田嘅客,一上車就好勞氣,咁我就八吓發生咩事啦。

「頭先差啲出事!我上你呢架車之前,本身係截咗另一架的士嘅,離遠見到佢冇冚旗,同個司機對望咗一眼,佢都明知我係想截車。點知佢駛到架車埋嚟,我伸手握住個手柄嗰陣,就突然之間踩油揸走架車。真係畀佢嚇死,我隻手仲畀佢架車扯一扯,幾鬼痛啊!」

咁我當然問吓佢有冇記低個車牌啦,不過佢就話事出突然,加上架車走得太快,根本冇留意到。

「唔車咪算囉!唔使咁做嘛。如果截車嘅係個老人家,容乜易成個人畀佢扯咗出去馬路,你話幾危險吖。」

唉,雖然唔係話個個的士司機都態度差,但好多時只要有幾個害群之馬,就已經改變到成個行業畀人嘅印象。作為其中一份子,唯有做好自己,令到大家慢慢對我哋改觀啦。

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年12月3日 上午9:38

發表評論

讀取中…
愛要說出口|常月明網誌