《明報》引述大陸微信公號:大亞灣泄漏 現場操作環境有放射性

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

的士客最關心嘅,其實都係「貼士」?|銀水|的士大哥

2016-12-10 10:28
字體: A A A

近排關於的士嘅新聞都有唔少,不過今日就唔講呢啲啦。有時開工都會聽到啲客傾電話時講起新聞,呢個星期一、二比較多人講嘅,就係深港通。

深港通星期一開通嗰日,最多客講嘅就係呢個話題,見住佢哋喺電話都係講買股票呀、匯豐呀、金融股。有個客仲同我分享「投資心得」,話因為有大陸支持,個市一定會升,講到好似真係好好景!好似驚我會走寶咁。

不過深港通都只係呢兩日先多人講,平日聽得仲多嘅,就一定係每逢賽馬日出現嘅「貼士」。啲客成日都會話收到騎師同練馬師嘅「內幕消息」,話某隻馬一定贏。星期三就有個客咁樣同我講,主動畀貼士慫恿我買,咁我咪傻吓傻吓跟佢買囉,咁結果當然就係……

其實邊得嚟咁多貼士呀……呢啲都係聽吓就算啦,佢哋講得開心,我揸的士又冇咁悶,都唔係咩壞事呀。

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2016年12月10日 上午10:28

發表評論

讀取中…
全家福|常月明網誌