林榮基:失而復得的記憶之二(浪漫與現實)|特約轉載

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

細路難教?定係家長唔願教?|銀水|的士大哥

2017-1-7 09:38
字體: A A A

究竟係而家啲細路難教,定係啲家長唔識教又唔願教呢?有時我都搞唔清楚……

前幾日喺深水埗車咗4個人,兩個大人、兩個大約5至6歲左右嘅細路,一睇就知係一家人。佢哋一上車就全部坐晒去後座,兩個小朋友上到車就爭位,兩個都堅持要坐窗邊。拗完一輪,終於一人坐一個窗口位,以為佢哋跟住就會乖乖地啦,點知原來呢個先係惡夢嘅開始。

開車之後,雖然已經戴住藍牙耳機,但仲聽到嗰兩個細路喺度嘈,不停拍窗之餘,仲將個窗又開又閂!而坐喺中間嗰對30幾歲嘅父母,竟然只係掛住玩手機,對眼一直只係望住個電話,完全冇理過兩個細路,甚至仲冇出聲話過佢哋!

然後我終於忍唔住出聲鬧兩個細路:「喂!你哋好坐定啦喎!唔准再玩!」

有啲父母可能聽到有人話自己仔女,都會還擊,但嗰對父母就算聽到我咁講,都係完全冇反應,繼續玩手機……我都冇咁好氣再鬧,唯有開快少少架車,嗱嗱聲去到目的地放低佢哋就算!所以話有時車到啲百厭嘅細路,再加埋一對咩都唔願理嘅父母,都真係令人幾頭痕!

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年1月7日 上午9:38

發表評論

讀取中…
【特首跑馬仔】《南早》指林鄭「戰略」任用夏佳理圖箍李家及商界票 now:曾俊華再無視王光亞堅持備選