阿健網誌│乜嘢積金局,你班高層識條乜咩?

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│飛機嘔吐大全

2014-5-11 13:00
字體: A A A

假如閣下一見人嘔,或者聞到嘔吐物味已經想嘔/會嘔,我相信空姐呢份工絕對唔啱你。

每日,我重覆,係每日,我都會見證乘客嘔。春天呢種折磨人的季節,簡直係嘔吐高峰期。對於嘔吐,我已經麻木到一個你想像唔到的地步。

由踏上飛機一刻起,嘔吐物味已經開始纏繞大家。我知道,上一班機戰況一定好慘烈。我明白,嘔是很慘的,但如果嘔在錯的地方,慘的不只你一個。

一、直接嘔在座位上

上機時,我經常見到有個座位特別濕並散發嘔吐味,無論清潔姐姐點樣努力抹,都抹不走那味道,於是佢地出絕招:鋪毛毯!咩話!?唔係會換椅套咩?睇情況啦,面積太大都會換(但其實只係拎出去吹乾同吹走陣味),面積細同趕時間時,你懂的。

二、嘔在洗手盤

我覺得有馬桶唔嘔,堅持要嘔落洗手盤的人,同那些有櫈唔坐,堅持蹲地下的大陸人一樣,都係咁令人費解。

其實,洗手盤只能去水,丁點渣都會塞。遇到呢種洗手盤,我們只會默默地封了成個廁所,但飛機降落後就苦了清潔姐姐,因為她們要清理那些淤塞物的。所以請大家下次在飛機吐時,用你僅餘的意志力,吐入馬桶吧!

三、嘔吐見證人格。

有一次,一位小女童在座位上嘔吐,爸爸見狀立即忙碌地替女兒和座位清理,然後還立刻衝入廁所諗住濕啲水再抹過,如此有品的乘客其實非常罕見。

但由於該次的情況太嚴重,相信要專業人士才能處理,我們都叫他不用再抹座位,但怎樣處理餘下的嘔吐物?此時,絕招又來了:鋪毛毯!冇錯!毛毯下仍是一堆嘔吐物,但因為全院滿座已冇其他位坐,佢哋唯有坐在上面繼續。

至於那條毛毯,當然,一定會重用的,但清洗過程是個謎。講開又講,我曾經試過,打開一條「新」毛毯時,聞到有嘔吐味……你明啦。

P.S.空姐也會有想嘔的時候,這時我們會含一片檸檬,但並非人人有效。我見過一位同事,一含檸檬就嘔,好恐怖。

(網絡圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年5月11日 下午1:00

發表評論

讀取中…
陳玨明網誌│愛恨香港100個理由20──的士佬手記(新加坡篇)