【特首跑馬仔】「習派」傳媒:「港澳工作行政機關」月內「助拳」 先要葉劉出局再令曾俊華僅得200商界票敗選|丘偉華

葉一知

-一知筆

中文、英文、通識教師,閒時寫作

我係明撐薯片嘅|葉一知網誌

2017-1-20 14:30
字體: A A A

1. 薯片為官已久,其為人性格大概可從往績可見,佢畀人擲蛋後懂得英式幽默化解,政績雖乏善可陳,但未見有任何拆毀一國兩制的言論舉動,這與狼英上台前已被疑係共產黨人完全不同。當然佢唔係咩聖人,也有很多缺點,但聖人明君都罕有之極,你要等隨時等一百年。佢係會做SHOW,但政治裏誰都要做SHOW!

2. 在狼英這樣仆街的人治下,他敢於顯露出不一樣的路線,狼英話唔撐體育,佢去睇港隊波;狼英托詞話唔喺香港睇唔到港隊對中國,又唔肯話撐,佢在外地上網睇直播;回想雨傘,你一定記得狼英和奶媽的嘴險,但我想不起薯片有任何挑釁(犯法唔好果啲廢話是有的)。在一個愛耍黑材料鬥爭手段的暴君之下,佢利用香港嘅文明制度優勢保護,有膽展示另一條路線,這是有膽色。

3. 承2,佢一直展示嘅係同狼英完全不同的路線,這跟奶媽承襲狼英路線明顯不同。

4. 狼英將香港搞得如此不堪,唔係佢落台就可以平息心中的火。承襲狼英路線的奶媽勝出,亦即西環勝出,係一定唔會向狼英動真格(UGL五千萬)。但曾蔭權係狼英上台後被整的,而薯片是曾蔭權多年戰友,故你想狼英有應得下場,只有薯片上台才最有可能。

5. 係,上到台後,一個人會變,會變成怎樣?沒人知,屁股總決定腦袋,但這是選任何人都可以出現的結果,你也可以說葉劉上台後會變得慈眉善目,當然也可以說奶媽未上台已咁嘅衰樣選咗就仲衰—-咁係咪不如選薯片?至少佢未上台前比任何人都能克制(當然我希望佢繼續克制)。奶媽係一個FB都唔敢開嘅候選人,只匿喺自己的comfort zone到聽埋啲擦鞋美言,呢種人會越來越自high!

6. 胡官唔係唔好,問題係佢完全唔夠票,300+ all in都係射落海!

做完曬呢啲分析,我可以清楚表明,我係明撐薯片嘅。
利申:本文發於薯片宣布選特首期間,但本人決不是其助選團隊!哈哈!

(圖片來源:曾俊華facebook)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年1月20日 下午2:30

發表評論

讀取中…
鬼怪能力大比拼|鍾樂偉網誌