【特首跑馬仔】拍片任林鄭競選辦資深顧問 范徐大讚「盡責、力求完美、做實事」

黃丹瑤

-那幻想中的人

九十後港女,社會新鮮人,興趣多多,如畫畫,烹飪,最苦惱是做家務,因為有條永遠挑不走的「懶筋」。所以寫blog,唔懶就寫啦。

你還看賀歲片嗎?|那幻想中的人|黃丹瑤

2017-1-28 18:06
字體: A A A

今日係大年初一,祝大家恭喜發財,希望大家新一年身體健康,心想事成。不過,新年除左拜年之外,仲有咩節目呢?當然係睇戲啦,但必須指出,我係未睇今年的賀歲片。

新年睇賀歲片幾似成為一個習慣,炒雜燴式的賀歲片更成為香港特色,可以話係票房保證,入場睇戲為歡笑,唔使用腦就最好,講白啲,其實故事都幾老套,幾乎離不開一家人由家吵屋閉變成一團和氣、夫妻床頭打架床尾和、情侶和好如初、死對頭化敵為友、電影結尾一大班主演會出來唱歌等,但一到新年都總會想睇。然而,近年的賀歲片就冇呢隻歌仔唱。

以前的賀歲片大多由一大班一線紅星參演,再加一兩個超級巨星客串,增加睇頭,例如1992年的《家有囍事》、1994年的《大富之家》,以及2010年的《72家租客》等,當中最經典的《家有囍事》及《97家有囍事》,我更是看過無數次。小時候,爸媽都要上班,自己一個係屋企無聊個陣,就會睇翻《家有囍事》系列,睇好多次都唔厭,諗起都覺神奇,依家你叫我翻睇,我都冇咁好氣。不過,《家有囍事》很多劇情都好有趣,包括「巴黎鐵塔反轉再反轉」,閔南話版的《相逢何必曾相識》,周星馳被張曼玉當衫咁掛起等等,至今每一幕都依然記憶猶新,令人睇得相當過癮。

至千禧年起,功夫兼特技賀歲片開始流行,我心中最經典的當然係2004年的《功夫》,而其後的功夫賀歲片就再難突破,以特技為賣點的賀歲片更加係質素參差。最記得的就係早幾年的《西遊記之大鬧天宮》,當年賣了飛入場睇(睇3D,唔平),結果大失所望,卡士強係強,但特技卻讓人覺得好假,故事亦無冇咩新意,感覺就係為左吸內地票房而拍,感受唔到有「賀歲」的意思,反而比唔上十幾年前,周星馳的西遊記。之後翌年的《三打白骨精》我更加費事入戲院睇。

講到點解依家的賀歲片感覺冇以前咁好睇,我諗其中一個原因係唔夠本土,即係冇「港產片」味道,特別係內地演員太多,某程度上來講,係會減低觀眾投入感,特別係聽到配音個陣。好似上年嗰套《美人魚》,其實我覺得故事唔錯,只係冇一個香港演員。不過,香港電影演員卻是青黃不接,特別係女演員方面,男演員就睇來睇去都係嗰幾個,點唔悶。

當然,睇賀歲片都係為左開心,為新年添加氣氛,所以最緊要係開心入場,開心出場,咁張飛就抵啦!

(圖片來源:片段截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年1月28日 下午6:06

發表評論

讀取中…
【特首跑馬仔】曾俊華非常欣賞兼感謝網民剪片「被唱歌」 同一專頁惡搞梁振英即被封