曾鈺成坐看「林曾鬥」,實情係伺機執死雞!

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

小圈子選舉有幾利害、有幾醜惡|鍾劍華網誌

2017-2-2 15:00
字體: A A A

真係越嚟越離譜,為咗爭取「十分有功能,十分重要」,因而在1200席中佔了60席的漁農界的支持,林鄭連新鮮雞都撐埋啦。

所以唔好淨係話「嫖子無情,戲子無義」。香港啲政治人物,特別係做完AO重要洗濕個頭落水從政的有為高官,「無情無義」之外仲要「冇記性冇品冇誠信」。

記唔記得1997年禽流感爆發之後,香港政府、衛生福利界、智囊組織、政策倡議團體早就差不多有一致結論,認為活雞蓄養及屠宰根本不適合在香港這麼密集的城市存在,而且已經成為一個公共衛生的風險。正因如此,才會有事後要為全面中央屠宰作安排,要把雞農的牌照高價回收,表示長遠要取蹄活雞屠宰及在街市販賣活雞。政府自己虎頭蛇尾真係十分令人憤怒。

相關的禽農、屠宰業及雞販的生計問題當然要處理得合理公平。但既然收了賠償,事後又出爾反爾,政府竟然可以當冇事發生。既然咁鍾意食新鮮雞,所謂支援農業發展,可能已經預咗佢哋一份囉。無他,政治交易而矣。

林鄭今次話自己都鍾意買新鮮雞,大家心領神會啦。所謂官僚理性、所謂科學決策、所謂程序公義、所謂AO神話,在小圈子面前,全部都要舉手投降。

所謂「公共衛生風險」?關佢乜事?冇講好耐囉,即係唔再存在啦!你哋唔知咩?唔講起,好多人都唔記得咗啦。

你以為佢真係會以七百萬香港人的福祉為念?咪咁天真啦。無情無義,豈獨嫖子?冇記性冇品冇誠信,此之謂香江女兒!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月2日 下午3:00

發表評論

讀取中…
罪惡眼神|陳頌紅網誌