【特首跑馬仔】《成報》批林鄭只會「與西環同行」 「未見香港兩大家族撐林鄭」

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

新年一開工,就遇到最怕嘅客……|銀水|的士大哥

2017-2-4 10:28
字體: A A A

眨吓眼就過完年啦,上次同大家講過,每年大年初一、二我都會畀自己放兩日假,所以去到初三晚先開工。點知一開工,就遇到我最怕嘅客──醉酒佬。

初三嗰晚,我喺尖沙咀見到有個女人截車,就將架車駛埋去,佢哋總共有三男一女上車,三個男人坐後座,其中一個明顯已經飲醉咗,而個女人就坐我隔離。

「首先去咗美孚新村呀,跟住再落荃灣!唔該。」

聽到個女人咁講,本身都唔覺得有咩特別,好多時一班朋友一齊搭的士走,都會叫我哋兜多幾個地方。但到架車差唔多去到美孚,大約去到大角咀附近,個女人就同我講,原來去到美孚係畀佢同其中兩個男人落車先,而我話明顯醉酒個男人,就等我自己車佢返荃灣。

要我自己送個醉酒佬返去?唔好啦掛……

「不如直接落咗荃灣先啦!等你哋送咗個朋友返去,先再車返你哋去美孚。最多我只係收返你哋去美孚嘅車錢啦。」

好彩個女人都肯聽我講,結果我就車咗佢哋返荃灣先。雖然佢哋有三個人,但都花咗成15分鐘先送完個朋友返屋企,真係唔敢想像我一個人會點……如果去到目的地拍佢唔醒、唔肯落車,或者語無倫次咁點算好?

(圖片來源:Google Maps截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月4日 上午10:28

發表評論

讀取中…
雞同鴨講──只看字面絕對不懂的idioms:「fall off the turnip truck」是從貨車掉下的蘿蔔?|A Chicken Talking To A Duck By Chatterbox