茂波賤撻薯片政績,扮晒做硬下任財爺!

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

賀年廣告套餐的愛與恨|謝頌昕網誌

2017-2-5 22:00
字體: A A A

喺香港,有咩可以代表過完新年呢?陸續返工、學生開始返學、商場拆裝飾準備情人節、全盒、桃花同水仙收返埋、利是都使得七七八八,咁仲有咩?我會答:賀年廣告開始少。

認真講,細個確實唔多鍾意新年,尤其是電視真係悶到核爆,重播咸豐年代嘅遊戲或大型節目,參加嗰啲藝人都唔知去晒邊啦大佬,又唔係好笑。過場嘅賀年廣告都唔好得去邊,除部份大牌會tailor made之外,不少都係幫襯賀年廣告套餐,即係每逢年尾都見大台藝人sell嗰啲。

話明套餐,除咗播放時間外,成條片嘅presentation都係「由於時間關係一早整定」,結果大家就似睇緊一個成日咁長嘅賀年廣告,充斥著甚多平日甚少聽過嘅牌子喺度恭喜你。

不過聽吓聽吓,而家又覺得啲廣告都不至於咁惡頂吖,夠古怪夠老土,當獵奇咁睇都冇壞。更何況,新年係少有可以畀大家徹底頹廢嘅節日,(聖誕要開P交換禮物,復活節嗰啲就算把啦),就算會去朋友度拜年,始終都會有一兩日陪屋企去搵親友拜年,或者留喺屋企食團年/開年飯。

新年之頽廢,除咗應酬較聖誕少外,仲有大台同收費台會全天候不停播賀年片,又試問有咩節目可以一口氣睇咁多喜劇同動作大片(我而家都仲覺得《警察故事》好好睇)?既然如此,啲套餐賀年廣告咪當伴碟咁食埋佢囉(689嗰個唔計),反正睇一年少一年嘛……當然,大牌繼續出自家製廣告調劑吓就更好啦!

(圖片來源:YouTube截圖)


恒生呢個而家睇返都好得


九巴呢個夠簡潔,唔錯

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月5日 下午10:00

發表評論

讀取中…
思樂:玉石俱焚|讀者投稿