【獨遊臺灣圖輯】松園別館——可以觸及的歷史|乜乜冰室|Tamtam

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

寧願中途換的士都唔坐我車,都係我衰!|銀水|的士大哥

2017-2-11 09:38
字體: A A A

平時成日同大家講啲客有幾麻煩,但係今次同大家分享呢件事,就係講我自己衰啦。事關幾日之前,有位年紀比較大嘅女士喺油塘上車,話要去深水埗。初時都冇乜嘢,但隔咗陣,有個好熟嘅行家打電話嚟,一時興起,同佢傾多咗幾句就出事……

「麻煩你喺前面個燈位畀我落呀。」
「哦!」

當時架車只係去到太子道,都未到深水埗,個客就叫我放低佢。本身我都不以為意,因為好多客都會咁㗎啦!但到收錢嗰陣,個客突然同我講:

「我坐咁耐,你就傾足咁耐。其實如果你咁忙,不如唔好開工住啦。」

呢個時候我先知自己衰咩!雖然佢講呢番說話嗰陣仲好有禮貌,但我就好唔好意思,同佢講晒Sorry!找完錢,我仲喺倒後鏡見佢行咗去後面,上咗另一架的士……

唉,雖然我真係唔係傾咗好耐,不過下次有客喺度都係少傾為妙!今次真係對唔住!

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月11日 上午9:38

發表評論

讀取中…
人在做,天在看|常月明網誌