【特首跑馬仔】林鄭澄清教育局與政務司長非從屬關係 認為「搶到版面」代表競選公關成功

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

同行如敵國?的士業都一樣!|銀水|的士大哥

2017-2-18 10:15
字體: A A A

啲人成日話辦公室政治好複雜,好多明爭暗鬥,又要討好老細……大家真係唔好以為揸的士係自己生意,就唔會有呢啲事,其實一樣有!同行之間為咗啲客一樣爭餐死。有啲行家會為咗爭多個客,不惜喺大外檔踩油cut線,又或者喺雙黃線照上客,呢啲情況周不時都見。

類似嘅事前幾日就喺我身上發生。嗰晚7點鐘喺灣仔,排我前面架的士隔離就已經有個客,但個行家偏偏再踏油,專登駛前去接另一個客。點解專登要揀嗰個客?因為佢拖住個行李喼囉!

不過,你估拖住個喼就一定係機場客咩?可能人哋由灣仔去香港站預辦登機咋!

其實當時成街咁多客,爭嚟做乜呢?我平時開工嘅心態都係隨遇而安,個客一日未上車,你都唔知佢打算去邊,咁爭嚟又有咩意思呢?

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月18日 上午10:15

發表評論

讀取中…
成也家教,敗也家教|常月明網誌